दुखी हुँदै ट्रम्पले लेखे किम जोङ उनलाई यस्तो पत्र

काठमाडौं,  ११ जेठ। उत्तर कोरिया र अमेरिकाबीच आगामी जुन १२ तारिखका दिन सिंगापुरमा हुने भनिएको उच्चस्तरीय वार्ता अमेरिकाले एकतर्फी रुपमा भंग गरेपछि संसारभर चर्चा र बहस चलिरहेको छ ।

राष्ट्रपति डोनाल्ड ट्रम्पले उत्तरकोरियाले आफूमाथि बक्तव्यमार्फत दुव्यवहार गरेको सन्दर्भ उठाएर पत्र लेख्दै सिंगापुरमा हुने भनिएको वार्ता स्थगन भएको उल्लेख गरेका छन् । साथै राष्ट्रपति ट्रम्पले पत्र मार्फत उत्तर कोरियाली सर्वोच्च नेता किम जोङ उनको बक्तव्यले आफ्नो हृदयमा आघात पुगेको आशय समेत व्यक्त गरेका छन् ।

राष्ट्रपति ट्रम्पले लेखेको पत्रमा आगामी जुन १२ मा सिंगापुरमा हुने तय गरिएको मिटिङ उत्तर कोरियाद्वारा आग्रह गरिएको खुलासा गरेका छन् । त्यस्तै पत्रमा ट्रम्पले उक्त वार्ता अमेरिकाको लागि सबै प्रकारले असम्बन्धित रहेको समेत दावी गरेका छन् ।

ट्रम्पले पत्रमा भनेका छन्, ‘तपाईले पछिल्लो पटक जारी गरेको बक्तव्यमा अथाह आक्रोस र खुला दुव्यर्वहार दुखद छन् । त्यसैले हामीले लामो समयदेखि तयारी गरिएको यो भेटवार्ता उपयुक्त मलाई लागेको छैन ।’
साथै ट्रम्पले निकै कुटनीतिक भाषामा पठाएको पत्रको अन्त्यमा भनेका छन्, ‘यदि यो महत्पूर्ण सम्म्मेलनको सन्दर्भमा तपाईको दिमाग परिवर्तन भयो भने कृपया मलाई टेलिफोन वा पत्र लेख्न कुनै संकोच नमान्नु होला ।’

अमेरिकी राष्ट्रपति ट्रम्पको आशय यसअघि कोरियाली प्रायदिपमा दक्षिण कोरिया र अमेरिकाले गरेको संयुक्त सैन्य अभ्यासको विरुद्धमा उत्तर कोरियाले निकालेको बक्तव्यको खण्डन गर्नुपर्ने वा क्षमायाचना गर्नुपर्ने आकांक्षा राखेको देखिन्छ । उत्तर कोरियाले भने अमेरिकी पत्रको उत्तर पठाएको छैन ।