दुर्लभ एकसिंगे गैंडा मर्यो
सारांश
- चितवन, २ जेठ ।
- चितवन राष्ट्रिय निकुञ्जको पुर्वी सेक्टर अन्तरगत सौराहा स्थित ढुंग्रे खोलामा एक गैंडा मृत फेला परेको छ ।
- निकुञ्जका सूचना अधिकारी एवं सहायक संरक्षण अधिकृत नुरेन्द्र अर्यालका अनुसार सौराहाको ढुंग्रे खोलामा बुढो भएर गैंडा मरेको जानकारी दिए ।
चितवन, २ जेठ । चितवन राष्ट्रिय निकुञ्जको पुर्वी सेक्टर अन्तरगत सौराहा स्थित ढुंग्रे खोलामा एक गैंडा मृत फेला परेको छ ।
निकुञ्जका सूचना अधिकारी एवं सहायक संरक्षण अधिकृत नुरेन्द्र अर्यालका अनुसार सौराहाको ढुंग्रे खोलामा बुढो भएर गैंडा मरेको जानकारी दिए ।
अन्दाजी ३५ वर्षको गैंडा खोलाको पानीमा मृत फेला परेको निकुञ्जका पुर्वी सेक्टर प्रमुख अभिनय पाठकले जानकारी दिए । खाग र खुर सुरक्षित रहेको गैंडालाई आजै पोष्टमार्टम गरेर गाडिएको छ ।
उनका अनुसार बुढो भएका कारण उक्त गैंडा विगत लामो समयदेखि सौराहा आसपास डुल्दै आएको थियो ।
यसअघि गत साता पनि एउटा गैंडा मरेको थियो । यो सँगै चालु आर्थिक वर्षको अहिलेसम्म कालगतिले २४ वटा गैंडा मरिसकेको छ । अघिल्लो आर्थिक वर्षमा कालगतिले २५ गैंडा मरेको थियो ।
विश्वमै दुर्लभ मानिएको एकसिंगे गैंडा प्राकृतिक बासस्थानमा नेपाल र भारतमा मात्रै पाईन्छ ।
नेपालमा गैंडाको मुख्य बासस्थान भने चितवन राष्ट्रिय निकुञ्ज हो । यहाँ पछिल्लो अनुगमनमा ६०५ गैंडा भेटिएको तथ्यंक छ ।
प्रतिक्रिया
Arun Patel
So sad