गोली हानी दुर्गा तिवारीका पार्टनर बलु पौडेलको हत्या
सारांश
- बुटवल, २१ पुस ,।
- रुपन्देहीको देवदह नगरपालिका ढेका भन्ने स्थानमा गोली चलेको छ ।
- स्थानीय बलु भनिने बसन्त पौडेलको टाउकोमा गोली लाग्दा उनको मृत्यु भएको छ ।
बुटवल, २१ पुस ,। रुपन्देहीको देवदह नगरपालिका ढेका भन्ने स्थानमा गोली चलेको छ । स्थानीय बलु भनिने बसन्त पौडेलको टाउकोमा गोली लाग्दा उनको मृत्यु भएको छ ।
गोलीबाट घाइते पौडेललाई उपचारका लागि बुटवलको लुम्बिनी अञ्चल अस्पतालतर्फ ल्याउँदै गर्दा मृत्यु भएको हो । गोली हान्ने ब्यक्तिहरु मोटरसाइकलमा आएको र रोहिनी खोलातिर भागेको बताइएको छ ।
घाइते पौडेल स्थानीय काठ व्यवसायी हुन् । उनी करीव १ वर्षअघि २०७३ पुस ४ गते गोली हानी मारिएका युवासंघका तत्कालीन जिल्ला अध्यक्ष दुर्गा तिवारीका पार्टनर हुन् । दुर्गा तिवारीलाई गोली हानिएको स्थाननजिकै पौडेललाई पनि गोली हानिएको छ ।
दुर्गा तिवारीलाई मनोज पुन नाम गरेका व्यक्तिले आफूले हत्या गराएको दावी गरेका थिए । बसन्तलाई पनि मनोज पुनकै नामबाट पछिल्लो समयमा धम्की आउने गरेको स्रोतले बतायो । गोली हान्नेहरुको खोजी भइरहेको प्रहरीले जनाएको छ ।
प्रतिक्रिया