मोदी सरकारका मन्त्रीहरुको लिस्ट र जिम्मेवारी यस्तो छ

काठमाडौं। बिहीबार प्रधानमन्त्री पदको सपथ लिएका भारतीय प्रधानमन्त्री नरेन्द्र मोदीले मन्त्रीहरुको कार्य्विभाजन गरेका छन्। पहिलो पटक सांसद बनेका बिजेपी अध्यक्ष अमित शाहलाई मोदीले गृहमन्त्रालको जिम्मेवारी दिएका छन्। यसअघि गृहमन्त्रालयको जिम्मेवारी निर्वाह गरका राजनाथ सिंहलाई रक्षा मन्त्रालयको जिम्मेवारी दिइएको छ। यसअघि रक्षा मन्त्रीको भूमिकामा रहेकी निर्मला सितारमणलाई अर्थ मन्त्रालयको जिम्मेवारी दिइएको भारतीय संचारमाध्यमले जनाएका छन् ।

यसैगरी रमेश पोखरियाललाई मानव संशाधन मन्त्रालयको जिम्मेवारी दिइएको छ भने हर्षवर्धनलाई स्वास्थ्य, विज्ञान एवं प्रविधि, नितिन गडकरीलाई सडक परिवहन मन्त्रालयको जिम्मेवारी दिइएको छ।

अमेठीबाट कांग्रेस अध्यक्ष राहुल गान्धीलाई पराजित गरेर चर्चामा आएकी स्मृति इरानीलाई महिला एवं बाल विकास मन्त्रालय, पूर्व विदेश सचिव एस जयशंकरलाई विदेश मन्त्रालय, पीयुष गोयललाई रेल मन्त्रालय र वाणिज्य मन्त्रालयको जिम्मेवारी दिइएको छ।

यसैगरी धर्मेन्द्र प्रधानलाई पेट्रोलियम मन्त्रालय, रविशंकर प्रसादलाई कानुन मन्त्रालय, नरेन्द्र सिंह तमोरलाई कृषि मन्त्रालय दिइएको छ।
यसैगरी डी सदानन्द गौडालाई रसायन एवं उर्वरक मन्त्रालय, मुख्तार अब्बास नकवीलाई अल्पसंख्यक मामिला मन्त्रालय, महेन्द्रनाथ पाण्डेलाई कौशल विकास मन्त्रालय, रामविलास पासवानलाई खाद्य एवं आपूर्ति मन्त्रालको जिम्मेवारी दिएको छ।