शिखर खबर

नयाँ बर्षमा बस्ती हस्तान्तरण गरेरै छाड्छु :धुर्मुस

Shikharkhabar

सोमबार, चैत्र ७, २०७३

३१५ पटक हेरिएको

नयाँ बर्षमा बस्ती हस्तान्तरण गरेरै छाड्छु :धुर्मुस

Shikharkhabar

धुर्मुस-सुन्तली फाउन्डेसनले महोत्तरीको बर्दिवासमा निर्माण गरिरहेको एकीकृत नमुना मुसहर बस्तीका घरहरु अन्तिम चरणमा पुगेका छन् ।
अहिले ती घरहरुमा रंग लगाउने काम भइरहेको छ ।
शिल्यान्यास गरेको करिव साढे २ महिनामै मुसहर बस्ती तयार हुन लागेको हो ।

धुर्मुस-सुन्तली फाउन्डेसनले महोत्तरीको बर्दिवासमा निर्माण गरिरहेको एकीकृत नमुना मुसहर बस्तीका घरहरु अन्तिम चरणमा पुगेका छन् । अहिले ती घरहरुमा रंग लगाउने काम भइरहेको छ ।

शिल्यान्यास गरेको करिव साढे २ महिनामै मुसहर बस्ती तयार हुन लागेको हो । गत माघ २५ गते चर्चित हाँस्यकलाकार महजोडी (मदनकृष्ण श्रेष्ठ र हरिवंश आचार्य) ले बस्तीको शिलान्यास गरेका थिए । मुसहर बस्तीको लगभग सबै घरमा छाना छाउने काम सकिएको फाउन्डेसनले जनाएको छ ।

‘अहिले अधिंकाश घरहरुमा रंङ्गरोगनको काम सुरु भएको छ,’ परियोजना ब्यबस्थापक अर्जुन न्यौपानेले बताए ।

निर्माण स्थलमै रहेका धुर्मुस-सुन्तली फाउन्डेसनका अध्यक्ष सिताराम कट्टेल (धुर्मुस) ले बस्ती निर्माणको काम द्रूत गतिमा भइरहेको जानकारी दिए । उनले नयाँ बर्षमा बस्ती हस्तान्तरण गरेरै छाड्ने बताएका छन् ।
४ करोड ७८ लाखमा निर्माण हुने यस बस्तीका लागि बिभिन्न संघ-संस्था तथा दाताहरुले सहयोग गरिरहेका छन् । फाउन्डेसनका लेखा अधिकृत सरोजजंग खत्रीले बताएअनुसार बस्ती निर्माणका लागि अझै पनि करिव १ करोड सहयोग जुटाउनुपर्ने छ । फाउन्डेसनले अहिलेसम्म करिव ३ करोड बराबरको रकम बस्ती निर्माणका लागि खर्च गरिसकेको उनले जानकारी दिए ।