नयाँ शक्ति पार्टी नेपालका पुर्व संयोजक मृत भेटिए

जुम्ला,  २१ साउन। आइतबार दिउँसो जुम्लास्थित सनराइज होटलबाट निस्किएका नयाँ शक्ति पार्टी नेपालका पुर्व संयोजक राधाकृष्ण बुड्थापा जुगाड खोलामा मृत अवस्थामा फेला परेका छन् । बुड्थापको शवलाई कर्णाली स्वास्थ्य विज्ञान प्रतिष्ठानमा राखिएको बताइएकाे छ ।

नयाँ शक्ति पार्टी जुम्लाका संयोजक नरेन्द्रनाथ योगीले बुड्थापाको षड्यन्त्रपूर्वक हत्या भएको दावी गरेका छन् । योगीले घटनाको निष्पक्ष र स्वतन्त्र रुपमा छानविन गर्न, दोषीलाई पक्राउ गर्न र कडा भन्दा कडा कारवाही गर्न प्रहरी प्रशासनसँग माग गरेका छन् । साथै दोषीलाई पक्राउ गरी कारवाही अगाडि नबढाएसम्म शव नबुझ्न पनि नयाँ शक्तिले परिवारजनलाई अनुरोध गरेको छ ।

जुम्ला प्रहरीका अनुसार सनराइज होटल सञ्चालकसहित दुई जनालाई सोधपुछका लागि नियन्त्रणमा लिएको र अनुसन्धान भइरहेको बताएको छ ।