‘नालापानी’मा नेपाल अंग्रेज युद्धकाे कथा ! (भिडियाे सहित)

काठमाडौँ, १२ असोज । नेपाल र अंग्रेजबीच भएको ऐतिहासीक नालापाली लडाईलाई समेटेर बनेको चलचित्र ‘नालापानी’को पहिलो टिजर सार्वजनिक भएको छ । विहिबार सार्वजनिक भएको टिजरलाई दर्शकले निकै मन पराइरहेका छन् ।

रिमेश अधिकारीको निर्देशन तथा मनोज शाक्यको निर्माण रहेको चलचित्र ‘नालापानी’मा नेपालको गौरवशाली इतिहासको चित्रण गरिएको छ ।

आधुनिक हतियार सहितका अंग्रेज फौजसँग भएको युद्धमा नेपाली सेनाले बहादुरी देखाएको थियो । खुकुरी र ढुङ्गा मुढा कै भरमा लडेका नेपाली सेनाले अंग्रेज फौजलाई पछि हट्न बाध्य बनाएका थिए । नेपाली सेनालाई लडाईँबाट हराउन नसकेपछि अंग्रेज फौजले षड्यन्त्र रची नेपाली सेनालाई नालापानी किल्लाबाट हटाएका थिए । नालापानी युद्धलाई वीर नेपाली योद्धा बलभद्र कुँवरको बहादुरीका कारण स्मरण गरिन्छ ।

नेपालको इतिहासमा चलचित्र बनाउन लायक थुप्रैकथा भएपनि त्यो अनुसारको चलचित्र वा टेलिचलचित्र बन्न सकेका छैनन् । केही चलचित्रमा इतिहास कोट्याउन खोजिएपनि प्रस्तुतिका हिसाबले निकै फितलो भएपछि दर्शकमाझ त्यति स्मरणयोग्य बन्न सकेको पाइँदैन । यस्तोमा चलचित्र नालापानीले एउटा आशा जगाएको छ । पहिलो टिजरमा देखिएको पात्रहरुको अभिनय र भौगोलिक परिवेशका कारण दर्शक निकै उत्साहित दखिन्छन् । चलचित्र सफल भएको खण्डमा नेपाली चलचित्र उद्योगमा पनि एउटा अर्को ट्रेण्ड आउने पक्का छ ।

चलचित्रमा सन्तोष पन्त, अर्जुन जंग शाही, देश भक्त खनाल, पुजना प्रधान लगाएत थुप्रै कलाकारको अभिनय रहेको छ ।

विहिबार सार्वजनिक भएको टिजरलाई एक लाख भन्दा बढी पटक हेरिसकिएको छ ।

भिडियाेः

https://www.youtube.com/watch?v=kNssnlTkXyo