निर्वाचन आचार संहिताको धज्जी उडाउदै सरकारले गर्यो राजश्व अनुसन्धान विभागका महानिर्देशकको सरुवा

काठमाडौ । निर्वाचन आयोगको आचार संहित विपरित सरकारले राजश्व अनुसन्धान विभागका महानिर्देशकको सरुवा गरेको छ ।

प्रधानमन्त्री तथा मन्त्रिपरिषद्को कार्यालयले हाल विभागको महानिर्देशक रहेका झलकराम अधिकारीलाई हटाएर सहसचिव मदन दहाललाई महानिर्देशक बनाएको हो ।

दाहाल यसअघि प्रधानमन्त्री तथा मन्त्रिपरिषद् कार्यालयको प्रशासन महाशाखा प्रमुखको रुपमा रहेका थिए । दाहाललाई महानिर्देशक बनाएपछि झलकराम अधिकारी प्रधानमन्त्री तथा मन्त्रिपरिषद कार्यालयमा तानिएका छन् । दाहाल कुनै समय सोहि विभागमा निर्देशकको रुपमा थिए । उनले एनसेलको कर निर्धारण समितिमा रहेर काम गरेका थिए ।

सरकारले ४ महिना मै महानिर्देशक सरुवा गरेको हो । झलकराम अधिकारी गत असार १ मा मात्र विभागको महानिर्देशक नियुक्त भएका थिए । चुनाव आउँन १९ दिन मात्र बाँकि हुँदा विभागको महानिर्देशक सरुवा भएका हुन् ।

राजश्व अनुसन्धान विभागले कर चुहावट सम्वन्धी अनुसन्धान तहकिकात र अभियोजन गर्ने काम गर्दछ ।