नेपालका लागि अष्ट्रेलियाका राजदुत लक्की शेर्पाको राजिनामा

अष्ट्रेलियाका लागि नेपाली राजदूत लक्की शेर्पाले राजीनामा दिएकी छन् । मानव तस्करीमा संलग्न भएको आरोप लागेपछि शेर्पाले आज राजिनामा दिएकी हुन् । एक प्रेस विज्ञप्ती प्रकाशित गर्दै शेर्पाले आफूमाथि लागेको आरोपको न्यायिक फैसला होस भन्दै राजिनामा दिएको जानकारी दिएकी हुन् ।

विवादमा परेपछि शेर्पा गत बिहीबार नेपाल फर्केकी थिइन् । विज्ञप्तीमा कुटनीतिक सुविधाबापत प्राप्त हुने निजी सहयोगीलाई प्रयोग गरेर शरणको खेती गर्नेहरुले आफुलाई नियोजित ढंगले फसाएको दावी उनले गरेकी छिन् । उनीसँग यसअघि परराष्ट्र मन्त्रालयले स्पष्टीकरण सोधेको थियो ।

लिखित जवाफ चित्त नबुझेपछि उनलाई नेकपाका नेताहरुले राजिनामा दिन भनेका थिए । पूर्वअर्दली वाङ्छु शेर्पाले राजदूत शेर्पामाथि मानव तस्करीमा संलग्न भएको आरोप लगाएका थिए । शेर्पालाई शेरबहादुर देउवा नेतृत्वको सरकारले तत्कालीन माओवादी कोटामा अस्ट्रेलियाका लागि राजदूत नियुक्त गरेको थियो ।