नेयमार र एम्बाप्पेका कारण रियल मड्रिडमा हाइअलर्ट

काठमाडौं। पेरि सेन्ट जर्मेनका फरवार्डहरु नेयमार र किलियन एम्बाप्पेका विषयमा क्लवहरुको चासो बढ्दै जाँदा यसले रियल मड्रिमा हाइअलर्टको स्थिति सृजना भएको छ । रियल मड्रिड यी दुवै खेलाडीलाई आफ्नो क्लवमा ल्याउन इच्छुक छ । रियलले यो सिजन राम्रोसँग गुमाएको छ । त्यसैले उसले फ्यानको अपेक्षामा खरो उत्रिन र यसअघि क्रिस्टियानो रोनाल्डोले दिलाउँदै आएको सफलता पुनः हात पार्न चाहन्छ ।

एम्बाप्पेले मे महिनामा आफूले थप जिम्मेवारी चाहेको र त्यो पिएसजीमै वा अन्यत्र गएर खोज्ने बताउँदै आफूले पिएसजी छाड्ने संकेत गरेका थिए । अर्कोतर्फ रियलका अध्यक्ष फ्लोरेन्टिनो पेरेज हालै फिफाको अध्यक्ष को निर्वाचनका लागि गएका थिए । तर, विद्यमान परिस्थिति हेर्दा उनी पेरिस जानु त्यो कार्यक्रमको लागि मात्र थिएन । यी युवा विश्वकप विजेताले आफूलाई नेयमारबाट अलग्याउँदै लगेको देखिएको छ किनकि उनले पिएसजीमा आफू मुख्य खेलाडी भएको सुनिश्चित गर्नका लागि दबाब दिएका छन् ।

उता नेयमार हालै चोटका कारण कोपा अमेरिकाबाट बाहिरिएका छन् । पिएसजी नेयमारलाई अर्को सिजन क्लवमै राख्न चाहन्छ तर उनले भने पटक पटक अन्य क्लवमा जान सक्ने संकेत गरिरहेका छन् । यी खेलाडीको ट्रान्सफर निकै जटिल हुन सक्छ तर अझैसम्म उनीहरुका विषयमा ठोस फैसला नभएको र उनीहरु बाहिरिन सक्ने सम्भावना देखिएकोले रियलले यसलाई नजिकबाट नियालिरहेको छ । यी खेलाडी बाहिरिने संकेत पाउनासाथ उनीहरुमाथि आफ्नो दावी अगाडि बढाइहाल्ने रियलको दाउ छ ।