पार्टी एकता र मोदी भ्रमणको कुनै साइनो छैनः श्रेष्ठ
सारांश
- काठमाडाै, १ जेठ।
- माओवादी केन्द्रका नेता नारायणकाजी श्रेष्ठले पार्टी एकतामा भइरहेको ढिलाईको भारतीय प्रधानमन्त्री नरेन्द्र मोदीको भ्रमणसँग कुनै साइनो नरहेको बताएका छन् ।
- वीरगञ्जमा आयोजित पत्रकार सम्मेलनमा श्रेष्ठले यस्ताे बताएका हुन ।
काठमाडाै, १ जेठ। माओवादी केन्द्रका नेता नारायणकाजी श्रेष्ठले पार्टी एकतामा भइरहेको ढिलाईको भारतीय प्रधानमन्त्री नरेन्द्र मोदीको भ्रमणसँग कुनै साइनो नरहेको बताएका छन् ।
वीरगञ्जमा आयोजित पत्रकार सम्मेलनमा श्रेष्ठले यस्ताे बताएका हुन । उनले भने ‘पार्टी एकताको सवालमा मोदी भ्रमणसँग कुनै साइनो सम्बन्ध छैन । पार्टी एकता गर्ने नगर्ने फैसला हामीले गर्ने हो, हिनग्रन्थीको शिकार हुनुहुँदैन ।’
सत्ता वा पदीय स्वार्थका कारण पार्टी एकतामा ढिलाई भएको उनले अस्वीकार गरे । ‘सत्तामा त हामी छँदैछौं, एकता गर्नै पर्दैन’ उनले भने, ‘पार्टी एकताका लागि दुईवटै पार्टीका अध्यक्षहरु नै अन्तरिमकालका लागि अध्यक्ष हुने भनिसकेका छौं, लिखित सहमति भइसकेको छ । पदमा पनि कुनै समस्या छैन ।’
वैचारिक, राजनीतिक र नीतिगत आधार तयार भइसकेको भन्दै उनले अब पार्टी एकता नरोकिने बताए । ‘छिटो भन्दा छिटो एकीकृत पार्टी घोषणा गर्छौ’ नेता श्रेष्ठले भने ।
प्रतिक्रिया
Bdhan Basnet
dhanayabad bataunu vako ma