बिना मगर : मृत्युको मुखदेखि मन्त्रीको कुर्सीसम्म
सारांश
- दुई तिहाईभन्दा बढीको विश्वास रहेको केपी शर्मा ओली नेतृत्वको शक्तिशाली सरकारमा माओवादी केन्द्रको तर्फबाट बिना मगर खानेपानी मन्त्री बनेकी छन् ।
- जनयुद्धकालमा मृत्युको मुखैमा पुगेर फर्किन सफल बिना मगर मुलुकका दुई ठूला पार्टी एमाले र माओवादी केन्द्रबीच बनेको वाम गठबन्धनबाट मन्त्री बन्न सफल भएकी हुन् ।
- कञ्चनपुरको दक्षिणी क्षेत्र पुनर्वासको मजदुर परिवारमा २०४० मंसिर २२ गते जन्मिएकी बिना मगर मन्त्री बनेपछि वर्तमान सरकारमा मगर समुदायको उपस्थितिलाई अझै दरिलो बनाएकी छन् ।
दुई तिहाईभन्दा बढीको विश्वास रहेको केपी शर्मा ओली नेतृत्वको शक्तिशाली सरकारमा माओवादी केन्द्रको तर्फबाट बिना मगर खानेपानी मन्त्री बनेकी छन् । जनयुद्धकालमा मृत्युको मुखैमा पुगेर फर्किन सफल बिना मगर मुलुकका दुई ठूला पार्टी एमाले र माओवादी केन्द्रबीच बनेको वाम गठबन्धनबाट मन्त्री बन्न सफल भएकी हुन् ।
कञ्चनपुरको दक्षिणी क्षेत्र पुनर्वासको मजदुर परिवारमा २०४० मंसिर २२ गते जन्मिएकी बिना मगर मन्त्री बनेपछि वर्तमान सरकारमा मगर समुदायको उपस्थितिलाई अझै दरिलो बनाएकी छन् । राज्यको दमन, सामाजिक विभेद र शोषणलाइ नजिकबाट भोगेकी बिना मगर १० वर्षे जनयुद्ध, माओवादी आन्दोलन हुँदै सांसदमा निर्वाचित भएर उनी मन्त्री समेत बनेकी छन् । कञ्चनपुर– १ बाट प्रतिनिधिसभा सदस्यमा भारी मतान्तरले विजयी बिना मगर प्रतिनिधिसभामा कञ्चनपुरबाट पुग्ने पहिलो छोरीको रेकर्ड पनि बनाएकी छन् ।
राष्ट्रिय राजनीतिमा स्थापित हुन सफल बिना मगरले १० वर्षे जनयुद्धमा सहभागी हुँदा २७ महिने नारकीय हिरासत जीवन बिताएकी छिन् । त्यतिबेला मृत्युको मुखबाट बचेर फर्किएकी बिना मगर अहिले प्रतिनिधिसभामा निर्वाचित भएर जिल्लाको विकासमा पनि उत्तिकै सक्रिय रहँदै आएकी छन् ।
पुनर्वासको अरनिको प्राविबाट शिक्षा आर्जन गर्न थालेकी बिनाले गौरीशंकर निम्न मावि र जनता मावि पुनर्वासबाट माध्यमिक तहसम्मको शिक्षा आर्जन गरिन् । देश र समाज बुझ्ने क्रममा वर्गीय चेतनाको विकास हुँदै जाँदा बिना मगर विद्रोही बन्दै गइन् । राज्यको विभेदकारी नीतिलाई फेर्ने उद्देश्यका साथ बिना मगर २०५१ सालमा ११ वर्षको कलिलै उमेरदेखि तत्कालीन नेकपा (माओवादी)को आन्दोलनमा सक्रिय भइन् । जनयुद्धको सुरूवाती चरणको सांगठनिक र सांस्कृतिक कार्यक्रममा उनले सक्रियता बढाउँदै राजनीतिक नेतृत्व लिन पनि सुरु गरिन् । सुरुमा माओवादी आन्दोलनमा बिना मगरको सहभागिता जनकलाकारका रुपमा रहेको थियो । यही सिलसिलामा २०५६ सालमा बिना मगरले महिलाहरूको हकअधिकार प्राप्तिका लागि क्रियाशील अखिल नेपाल महिला संघ (क्रान्तिकारी) कञ्चनपुरको अध्यक्ष बनेर संगठनको विस्तार र महिला अधिकार स्थापित गर्नेतिर भूमिका निर्वाह गरिन् ।
राजनीतिको आगामी यात्रा र उच्च शिक्षा आर्जन गर्न बिना मगर काठमाडौं हानिइन् । काठमाडौंमा पनि तत्कालीन अखिल क्रान्तिकारीमा आवद्ध हुनुका साथै भूमिगत नेकपा माओवादीको पूर्णकालीन सदस्यको रूपमा काम गर्न थालिन् । क्याम्पस जीवनमा जुझारू नेतृको रूपमा स्थापित हुँदै बिना मगर राजधानीमा पनि लोकप्रिय हुँदै गइन् । रत्नराज्य क्याम्पसको स्ववियू सदस्य पदमा पाएको अत्यधिक मतले बिना मगर विद्यार्थीमाझ लोकप्रिय रहेको सावित भयो । उनी २०६० सालमा अखिल (क्रान्तिकारी) काठमाडौं जिल्ला अध्यक्षसम्मको जिम्मेवारी निर्वाह गरिन् ।
माओवादी आन्दोलन उत्कर्षमा पुग्दै गर्दा तत्कालीन सत्ताले संकटकाल घोषणा गर्यो । त्यो बेलामा पनि बिना मगर राज्यसत्ताको केन्द्र काठमाडौंमा माओवादी आन्दोलनको नेतृत्वदायी भूमिकामा रहेकी थिइन् । राज्यले चलाएको ब्यापक धरपकड र दमन चलिरहँदा बिना मगरलाई २०६० सालमा तत्कालीन शाही नेपाली सेनाले गिरफ्तार गर्यो । “मानव बधशाला”का रुपमा चिनिएको भैरवनाथ गणमा उनले २७ महिना गुजार्नुपर्यो । बेपत्ताको अवस्थामा रहेकी बिनाले जनताको मुक्ति, व्यवस्था परिवर्तन र जनताको स्वतन्त्रताको संघर्षसँग जोडिएको आन्दोलनको क्रममा बिना मगरले २७ महिनासम्म पाशविक यातना भोग्न वाध्य भइन् ।
सेनाको हिरासतमा रहँदा बिनालाई करेन्ट लगाउने, पानीमा डुबउने, पाइपले पिट्ने लगायतका अमानवीय यातना दिइएको थियो । सेनाको ब्यारेकमा २७ महिनासम्म कहिल्यै पेटभरि खान नदिइएको बिना बताउँछिन् । शरीरभरि यातनाका घाउहरू पाकेका र फोहोरले शरीरभरि जुम्रा परेका थिए । ६ महिनासम्म त नुहाउन पनि दिइएको थिएन । नियमित समयमा दिसापिसाबसम्म गर्न पाइँदैनथ्यो । कठ्याङ्ग्रिदो चिसो रातमा पनि एकसरो लगाएको कपडामा चिसो भूइँमा सुत्नु पर्दथ्यो । तत्कालीन शाही नेपाली सेनाको हिरासतमा रहँदा २७ महिनासम्म चौबीसैं घण्टा आँखामा कालोपट्टि र हात पछाडिपट्टि बाँधेर राखिएको थियो । बिना मगरसँग हिरासतमा रहेका धेरै सहयोद्धाहरू अझैं पनि बेपत्ताकै सूचीमा छन् । उनी सेनाको प्राविधिक कमजोरीले मात्र बाँच्न सफल भएकी थिइन् । आफ्ना धेरै सहयोद्धाहरुलाई बेपत्ता पार्न लैजाने सिलसिलामा ट्रकमा अट्ने ठाउँ नभएपछि बिना मगर संयोगवश ब्यारेकमै छुटेकी थिइन् । जसको प्रतिफल बिना जीवित रहन सफल भइन् । पुनः दोस्रोपटक पनि भैरवनाथ गणबाट बेपत्ता पार्ने मनसायले बिना मगर लगायतका बन्दीहरूलाई शिवपुरी ब्यारेकमा सारिएको थियो । त्यो बेला राष्ट्रिय र अन्तर्राष्ट्रिय मानवअधिकारवादी संघसंस्थाको खोज र दबाबका कारण बेपत्ता पार्ने योजनालाई सेनाले स्थगित गरेर स्थान परिवर्तन गरी गोरखा ब्यारेक लगेको थियो । पछि मानवअधिकारवादी र परिवारको खोजबाट बिना मगर गोरखा ब्यारेकमा रहेको थाहा भएको थियो ।
यही समय मुलुकमा २०६२(६३ को जनआन्दोलन उत्कर्षमा थियो । त्यति नै बेला परिवारको तर्फबाट रिहाइको माग गर्दै बन्दी प्रत्यक्षीकरणको रिट सर्वोच्च अदालतमा दर्ता गरिएको थियो । त्यसपछि अदालतले गैरन्यायिक हिरासतबाट बिना मगरलाई रिहा गर्न आदेश दिएको थियो । सर्वोच्च अदालतको रिहाइको आदेशलाई बेवास्ता गरी पुनः गिरफ्तार गर्ने प्रशासनको चाललाई राष्ट्रिय अन्तर्राष्ट्रिय मानव अधिकारवादी संस्थाको संघर्ष र सहयोगले निस्तेज पारेर बिना मगर रिहा भएकी थिइन् । पार्टी बृहत शान्ति प्रक्रियामा प्रवेश गरिसकेपछि पार्टीले बिना मगरको कार्यक्षेत्र काठमाडौं नै तोक्यो । उनले २०६४ सालमा पुनः अखिल क्रान्तिकारी काठमाडौंको जिल्ला अध्यक्षको जिम्मेवारी सम्हालिन् । आफ्नो जिम्मेवारीलाई कुशलतापूर्वक निर्वाह गर्नुका साथै प्रतिकूल परिस्थितिलाई अनुकूलतामा बदल्न सक्ने क्षमता भएकी बिनालाई अखिल क्रान्तिकारीले २०६४ सालको स्ववियू निर्वाचनमा सरस्वती क्याम्पस लैनचौरमा सभापतिको उम्मेदवार बनायो । अनेकौं प्रतिकूलताबीच नेविसंघ र अखिलको संयुक्त प्यानललाई भारी मतका साथ पराजित गरेर बिना मगर स्ववियू सभापतिमा विजयी भएकी थिइन् ।
विद्यार्थी आन्दोलनबाट बिदा भई पार्टी आन्दोलनमा प्रवेश गरेपछि बिना मगरले पार्टीको केन्द्रीय सदस्यको जिम्मेवारी पाइन् । बिना मगरले आफ्नो जन्मभूमि कञ्चनपुरबाटै पार्टी राजनीति गर्ने निर्णय गरिन् । बाल्यकालमा आफूले देखेको अभाव र समस्याले बिना मगरमा कञ्चनपुरको दक्षिणी क्षेत्रको विकास गर्ने सोच र इच्छा छ । २०७० सालको दोस्रो संविधानसभा निर्वाचनमा कञ्चनपुर– १ बाट झिनो मतले पराजय व्यहोरिन् । निर्वाचनमा आफू पराजित भएतापनि उनी कञ्चनपुरका जनताको सेवामा निरन्तर समर्पित रहिन् । उनीहरुका सुख, दुःख, विकास, निर्माण लगायतका कामहरुमा अहोरात्र खटिरहिन् । आफ्नो क्षेत्रको विकास निर्माणमा दत्तचित्त भएर खटिएकी बिना मगर २०७४ मंसिर २१ गते सम्पन्न प्रतिनिधिसभा तथा प्रदेशसभा निर्वाचनमा कञ्चनपुर– १ बाटै भारी मतान्तरले विजयी भइन् ।
निर्वाचनको प्रचारकै सिलसिलामा २०७४ मंसिर ३ गते एक्कासी पति प्रकाश दाहालको मृत्युले पतिशोकमा परिन् । झण्डै विक्षिप्तजस्तै भएकी बिना मगर आफूलाई सम्हाल्दै फेरि चुनावी प्रचारमा जुटिन् । जे भएतापनि यसपालि बिनाको भागमा जित पर्यो । प्रदेश नम्बर ७ बाट खानेपानी मन्त्री बनेकी बिनाको काधमा सिङ्गो प्रदेश, जिल्ला र निर्वाचन क्षेत्र र समग्र नेपाली जनताको मुहार फेर्ने र समृद्ध नेपालको निर्माणका लागि हस्तक्षेपकारी भूमिका निर्वाह गर्ने गहन जिम्मेवारी आइपरेको छ ।
प्रतिक्रिया
Ramesh Tamang
Natako mantri thik hoina.
Surya Niroula
Badhai suvkamana vagyamani man6e lai
Shiva Bhandari
मन्त्री ज्यु लाई बधाई साथै सफलकार्यकालको शुभकामना ।
Bishnu Gaha
बधाई छ।
Sabi Kharel
badhai mantri banekoma tara mahilako hak adhikar lagi sangharsa garne mahila mahila kai adhikarkhosi sauta baneko kin k yahi ho mahilako lagi sangharsa k thiyo testo karan kunai mahilalai sauta vanda thulo kasta k hunxa duniyama
Atul Dafali
Congratulations
Ngima Ssherpa
हार्दिक बधाई तथा सफल कार्यालयको लागि शुभकामना।
Saraswati Thapa
Congratulations
Govinda Dahal
बधाई तथा शुभकामना छ मन्त्रीज्यू ।
Balkrishna Bhattarai
हार्दिक बधाई
Rajan Saragam
Badhai xa dd,ramro kamko safaltako kamana xa
Lila Dhar Adhikari
Congratulations
Shyam Pant
Yakdum
Surya Shrestha
हार्दिक बधाई एउटा युद्ध बाट फर्किएको योद्धालाई । बिना प्रचण्डको बुहारी भएकोले मन्त्री भएकी होइनन् , मन्त्री हुनको लागि उनीसँग आफ्नै योग्यता प्रशस्त छ ।✊✊✊✊✊✊??????
Basanta Ghale Magar
Congratulation
Hirendra Bahadur Bayak Chhetry
रिप
Keshav Neupane
अरु राम्रो बिबाह गर्दै हिड्ने बानी नराम्रो
Gyaljen Sherpa
Congratulations
Som Thapa
Badhai chha safalkaryakalko shuvakamana
Gyan Ghimire
Congratulatios !!
Bbc Chaulagain
बधाई तथा शुभकामना ।
Tek Bahadur Tamang
Kag lai bel pako harsa na bismat….k ko badhai
Himalaya Pokharel
शुभकामना छ भविष्यमा प्रधानमन्त्री बन्नु हाेला
Khadga Stha
बूढो स्वर्गमा श्रीमति मन्त्रीको किर्सिमा नि
Bhesh Gurung
congratulations comred wish yrs successful tenure
Rabina Kc
Congratulations
Min Prasad Paudel
हार्दिक बधाई
Guman Neupane
Hardik badhai
Mohan Parajuli
Congratulation
Gem Bahadur Lama
Hamro sudura pashchiko mahila bina g lai hardik badhai xa hajurko karekala safala ta hosa kamreda bina g
Sita Rai
बधाई छ !जनताको हितमा काम गर्नु ।
Ghana Shyam Magar
स्वबिबेकले काम गरौं ।पथ पाउनु भन्द्दा टिकाउनु गाह्रो हुन्छ है ।
Shrestha Bishal
purai kahani vanda first husband ko pani history vanidiywko vaye hunthyo ki?
Sapkota Kamala
Congratulations
Laxman Chhinal
बधाई छ कमरेड सफल कार्यकालको शुभकामना
Ramesh Poon
congratulation
Hiujal Bogati
LA Badhai xa
Lok Bdr Negi
Congratulations.
Krishna Dhakal
Congratulations
Dawa Blon
Badhai 6 comred bina ✋✋✋!!!
Humkanta Kandel
Aatanka kari ko dassma aatanka kari na gayra ko janxa ta
Ramesh Chatri
बदाई छ अछामि कानछो
Ramesh Chatri
हार्दिक बदाई छ
Madhavi Khanal Sharma
Congratulations
Dahal Bikram
परिबार मोह कम्रेड प्रचण्ड प्रतापि भुपति
Maheshwori Kafle
Badhai tatha suvakamana
Rtn Ganesh Bhusal
बधाई अनी सफल कार्यकाल को सुभकामना !
Menyangbo Krishna Limbu
Congratulations.
Rajkumar Chauhan
ससुरा वुहारी सर जय
Ramchandra Adhikari
Congratulation