पेनाल्टी चुकेका मेस्सीका नाममा जोडिए यि चार खराब तथ्य

यस खेलपछि मेस्सीका नाममा केही यस्ता तथ्यहरु बनेका छन्:

• मेस्सीले बार्सिलोना र अर्जेन्टिनाका लागि प्रहार गरेका पछिल्ला ७ पेनाल्टीमध्ये ४ मा गोल गर्न सकेका छैनन्।
• मेस्सीले अाइसल्याण्डविरुद्ध ११ सट प्रहार गरे तर कुनैमा पनि गोल गर्न सकेनन्। विश्वकपमा यो मेस्सीले प्रहार गरेको सबैभन्दा बढी सट हो। क्लबका लागि भने यसअघि अन्तिमपटक मेस्सीले २०१७ मा बार्सिलोनाका लागि डिपोर्टिभा डि ला करुनाविरुद्ध ११ सट प्रहार गरेका थिए। तर गोल गर्न भने असफल रहे।
• विश्वकपमा सर्बाधिक सट प्रहार गरेपनि गोल गर्न नसक्ने खेलाडी इटालीका लुइगी रिभा हुन। उनले १९६६ स्वीडेन विरुद्ध र १९७० मा इजरायलविरुद्ध १३ सट प्रहार गरेपनि गोल भने गर्न सकेका थिएनन। त्यसयता सर्बाधिक सट प्रहार गरेर पनि गोल गर्न नसक्ने खेलाडी मेस्सी बनेका छन्।
• पोर्चुगलका क्रिस्टियानो रोनाल्डोले उद्घाटन खेलमा बलियो प्रतिद्वन्द्वी स्पेनसँग चार सट प्रहार गरेकोमा ३ गोल गरेका थिए। तर, मेस्सीले उद्घाटन खेलमा कमजोर मानिएको अाइसल्याण्डसँग ११ सट प्रहार गरेपनि कुनै गोल गर्न सकेनन।