पोखराको पार्दीमा मन्त्रालय राख्ने तयारी

काठमाडौं, २१ माघ- प्रदेश ४ मा मुख्यमन्त्री तथा मन्त्रिपरिषद्को कार्यालयसहित ७ मन्त्रालय राख्ने तयारी भइरहेको छ । पोखराको पार्दीस्थित क्षेत्रीय कार्यालयहरूमा अब प्रदेश मन्त्रालय राख्ने गरी संरचना निर्माणको काम भइरहेको हो ।

अहिले मुख्यमन्त्रीसहित आन्तरिक मामिला तथा कानुन मन्त्रालय (गृह) र आर्थिक मामिला तथा योजना मन्त्रालय (अर्थ), भौतिक पूर्वाधार मन्त्रालय, सामाजिक विकास मन्त्रालय, उद्योग, पर्यटन, वन, विज्ञान तथा वातावरण मन्त्रालय र भूमि व्यवस्था, कृषि तथा सहकारी मन्त्रालय राख्ने तयारी भइरहेको छ ।

मुख्यसचिव लक्ष्मण अर्यालसहित मुख्यमन्त्री तथा मन्त्रिपरिषद्को कार्यालय सचिवका रूपमा लालमणि ओझा पदस्थापन भइसकेका छन् । अन्य मन्त्रालयमा पनि कर्मचारी आउने क्रम सुरु भएको मुख्यसचिव अर्यालले बताए । क्षेत्रीय प्रशासन कार्यालयले गठन गरेको ५ सदस्यीय कमिटीले उपयुक्त भवनका रूपमा छनोट गरेको नयाँ पत्रिकामा खबर छ ।