नेकपाका नेता आलमको निधन, प्रधानमन्त्रीद्वारा दुःख व्यक्त
सारांश
- काठमाडौं ।
- प्रधानमन्त्री केपी शर्मा ओलीले नेपाल कम्युनिष्ट पार्टीका नेता तथा पूर्व राज्यमन्त्री मो.
- मुस्ताक आलमको निधनप्रति दुःख व्यक्त गरेका छन् ।
काठमाडौं । प्रधानमन्त्री केपी शर्मा ओलीले नेपाल कम्युनिष्ट पार्टीका नेता तथा पूर्व राज्यमन्त्री मो.मुस्ताक आलमको निधनप्रति दुःख व्यक्त गरेका छन् ।
आलमको हिजो राति उपचारका क्रममा गंगालाल हृदय रोग केन्द्रमा निधन भएको थियो । प्रधानमन्त्री ओली हिजो दिउसो पुगी भेट समेत गरेका थिए ।
प्रधानमन्त्री ओलीले एक शोक वक्तव्य जारी गर्दै आलमको निधनबाट पार्टीले मुस्लिम समुदायबाट उदाएको एउटा असल नेता गुमाउनु परेको बताएका छन् ।
विज्ञप्तिमा आलमप्रति श्रद्धान्जली अर्पण गर्दै शोक सन्तप्त परिवारजनमा गहिरो समवेदना प्रकट गरिएको छ । अन्तिम श्रद्धान्जलीका लागि आलमको पार्थिव शरीर आज शनिबार बिहान ८ देखि १० बजेसम्म पार्टी केन्द्रीय कार्यालय धुम्बाराहीमा राखिने विज्ञप्तिमा जनाइएको छ ।
आलम गत मंसिरमा भएको संघीय संसदको निर्वाचनमा रौतहट २ बाट वामगठबन्धनको तर्फबाट उम्मेद्वार समेत थिए ।
प्रतिक्रिया