सनी देओल १६ वर्षसम्म शाहरुख खानसँग किन बोलेनन् ? यस्तो छ कारण !

बलिउड अभिनेता सनी देओल र शाहरुख खानबीच लामो समयसम्म चलेको मनमुटाव जगजाहिर छ । यो झगडा फिल्म ‘डर’ को सेटबाट सुरु भएको थियो । डर फिल्म पछि सनीले यश चोपडासँग काम नगरेको र १६ वर्षसम्म शाहरुख खानसँग कुरा नगरेको भारतीय संचार माध्यमले बताउने गरेका छन् ।एक टिभी च्यानलसँगको कुराकानीमा सनीले डरको सेटमा भएको मनमुटावबारे खुलेर कुराकानी गरेका छन् । उनले भने, ‘फिल्ममा म कमान्डोको भूमिकामा थिएँ र शाहरुख खानले मलाई चक्कुले हमला गर्नुथियो । म यति फिट थिएँ कि मलाई कसैले ९शाहरुख खान० कसरी चक्कु हान्न सक्छ भन्ने लाग्यो ।’‘यो कुरा मलाई चित्त बुझेन, अत्यधिक रिस पनि उठ्यो । यश जी अग्रज हुनुहुन्थ्यो त्यसकारण म उहाँलाई केही भन्न सक्दिनथेँ । त्यतिबेला मैले रिसले आफ्नो हात जिन्सको खल्तीमा हालेँ ।

मलाई यति रिस उठेको थियो कि मेरो जिन्सको खल्ती कहिले च्यातियो, मलाई थाहा नै भएन ।’जब सनीलाई शाहरुख खानसँग १६ वर्षसम्म बोल्नुभएन हो रु भन्ने प्रश्न सोधियो तब उनले भने, ‘यस्तो होइन कि म बोल्दै बोलिनँ । थाहा छैन के हो । म खासैसमाजसँग रमाउने मान्छे होइन । कसैसँग धेरै कुरा गर्दिनँ । हाम्रो कहिले भेट नै भएन त कुरा कसरी गर्ने रु म यसै पनि कुनै पनि पार्टीमा जादिनँ, कार्यक्रममा पनि जादिनँ । हामी सँगै काम गर्छौं तर कोहीसँग पनि धेरै कुराकानी गर्दैनौं ।’डरको सेटमा शाहरुखदेखि निर्देशकसम्म पूरा युनिट उनीसँग डराउँथे हो रु भन्ने प्रश्नमा उनले भने, ‘उहाँहरुभित्र खोट भएका कारण सायद डराउनुभएको होला ।’ त्यसपछि उनी हाँस्न थाले ।कामको कुरा गर्ने हो भने अन्तिम पटक फिल्म जिरोमा देखिएका थिए । फिल्मले बक्स अफिसमा खासै प्रतिक्रिया पाएन । यस्तै, सनी देओल गुरदासपुरबाट भाजपाका सांसद हुन् ।