प्रहरी हवल्दारले १ लाख घुस लिएपछि…
सारांश
- काठमाडौं ।
- एकजना प्रहरी हवल्दारले १ लाख घुस लिएपछि अख्तियार दुरुपयोग अनुसन्धान आयोगले विशेष अदालत काठमाडौंमा मुद्दा दर्ता गरेको छ ।
- जिल्ला प्रहरी कार्यालय बारामा कार्यरत प्रहरी हवल्दार सुदामा हजराले व्यवसाय गर्न सजिलो पारिदिन्छु भन्दै १ लाख घुस माग्दै गरेको बेला पक्राउ परेका थिए ।
काठमाडौं । एकजना प्रहरी हवल्दारले १ लाख घुस लिएपछि अख्तियार दुरुपयोग अनुसन्धान आयोगले विशेष अदालत काठमाडौंमा मुद्दा दर्ता गरेको छ ।
जिल्ला प्रहरी कार्यालय बारामा कार्यरत प्रहरी हवल्दार सुदामा हजराले व्यवसाय गर्न सजिलो पारिदिन्छु भन्दै १ लाख घुस माग्दै गरेको बेला पक्राउ परेका थिए ।
हवल्दारले पानमसालाजन्य पदार्थको व्यवसाय संचालन गर्न सहज गराईदिने बहानामा सेवाग्राहीसँग घुस रकम माग गरिरहेको भन्ने उजुरीको आधारमा अख्तियार आयोगको हेटौंडा टोलीले रकमसहित पक्राउ गरेको थियो ।
हजरालाई १ लाख घुसबापतको रकम लिइसकेको अवस्थामा नियन्त्रणमा लिई अनुसन्धान हुँदा भ्रष्टाचार गरेको देखिन आएको भन्दै अख्तियारले मुद्दा दर्ता गरेको हो ।
भ्रष्टाचार निवारण ऐन, २०५९ को दफा ३ को उपदफा १ बमोजिम कसुर गरेको देखिन आएकोले निजलाई बिगो १ लाख कायम गरी कैद सजाय सहितको मागदाबी सहित विशेष अदालत काठमाडौंमा मुद्दा दर्ता गरिएको अख्तियारले जनाएको छ ।
प्रतिक्रिया