‘फल जति जनतालाई, फूल जति देशलाई’: प्रधानमन्त्री ओली

काठमाडाै, २२ जेठ । प्रधानमन्त्री केपी शर्मा ओलीले ‘लिची’ र ‘एभोकाडो’बिरुवा राेपेका छन ।

विश्व वातावरण दिवसको अवसरमा सिंहदरवारभित्र लिची र एभोकाडोको विरुवा रोप्दै प्रधानमन्त्री ओलीले फलफूलको विरुवा रोपेर हरियाली र आम्दामी दुबै बढाउन आग्रह गरे। उनले आफूलाई मनपर्ने फलफूल ‘लिची’ र ‘एभोकाडो’बिरुवा रोपेर ‘एक नेपाली एक फलफूल’को बिरुवा अभियानको शुभारम्भसमेत गरे। ‘फल जति जनतालाई, फूल जति देशलाई’, विरुवा रोपेपछि प्रधानमन्त्री ओलीले भने।

आज मुलुकभर एक लाखको संख्यामा बिरुवा रोपण भएको जानकारी दिँदै प्रधानमन्त्री ओलीले भने, ‘हामी वातावरणप्रति सजग छौँ, अब एक वर्षको अवधिमा करोडौँको संख्यामा वृक्षरोपण हुनेछ।’

प्रधानमन्त्री ओली बाँझो जमिनमा पलफूल खेती गर्न समेत आग्रह गरेका छन्। फलफूलमा देशलाइृ आत्म निर्भर मात्रै गराउँन सके देशको समृद्धिमा ठूलो योगददान पुग्ने भन्दै एउटा मात्रै बिरुवा भए पनि लगाउन र आम्दानीको स्रोत वृद्धि गर्न आग्रह गरे।