बालबालिका स्कुल पठाउन सरकारको यस्तो निर्णय

काठमाडौं । सरकारले विद्यालय जाने उमेर भएका सबै बालबालिकालाई भर्ना गर्न आग्रह गरेको छ । सोमवार बसेको मन्त्रिपरिषदको वैठकले भर्ना अभियानका लागि सघाउने निर्णय गरेको हो । संघीय सरकारले भर्ना अभियानका लागि ‘हाम्रो नगर हाम्रो गाउँ, सबै बालबालिकालाई विद्यालय पु-याऔँ’ भन्ने नारा शुरु भएको छ ।

विद्यालय तहको जिम्मेवारी स्थानीय तहमा गइसकेको छ । सम्बन्धित गाउँपालिका, नगरपालिकाले आफ्नै तरिकाले नारा अघि सारेका छन् ।

शिक्षा तथा मानव स्रोत विकास केन्द्रका उपमहानिर्देशक दीपक शर्माले ५ देखि वर्षसम्म उमेर समुहका विद्यालय बाहिर रहेका ९१ हजार बालबालिकालाई विद्यालयमा ल्याउने लक्ष्य लिइएको बताए । ५ देखि ९ वर्ष समूहका दुई लाख ५४ हजार बालबालिकालाई विद्यालयमा ल्याइएको थियो ।

कतिपय गाउँपालिकाले बालबालिकालाई निशुल्क पोशाक दिने सम्मका निर्णय गरेका छन् । बर्दियाको बाँसगढी नगरपालिकाले विद्यालयमा भर्ना हुन आउने कक्षा १ का सबै बालबालिकालाई निःशुल्करुपमा पोशाक उपलब्ध गराउने भएको छ ।

कतिपय नगरपालिकामा जनप्रतिनिधि आफै घरघरमा पुगेका छन् । भक्तपुरको सूर्यविनायक नगरपालिकाका निर्वाचित जनप्रतिनिधि नयाँ विद्यार्थी भर्ना गर्न घरदैलो कार्यक्रममा सहभागी हुने भएका छन् ।