बुद्धिमान र हरिकाजीलाई जर्मनी बस्ने नेपालीले गरे सहयोग

काठमाडौं । भारतमा मजदुरी गर्ने क्रममा घाइते भएका बुद्धिमान कुवँर र हरिकाजी ढुंगानाको उपचारार्थ विदेशमा बस्नेि नेपालीहरूले सहयोग उपलब्ध गराएका छन्। विशेषगरी जर्मनीमा बस्दै आएकी गोरखा परिवार बन्दना पुन बुढा मगरको पहलमा कुँवर र ढुंगानालाई आर्थिक सहयोग गरिएको हो ।

घाइते कुँवर र ढुंगानालाई हस्तान्तरण गरिएको छ। शनिबार काठमाडौंमा एक कार्यक्रमकाबीच जर्मनीबाट बन्दना पुन बुढामगरको पहलमा संकलन गरिएको १ लाख ४ हजार रूपैयाँ कुवँर र ढुंगानालाई ५२ र ५२ हजार रूपैयाँ पर्नेगरी हस्तान्तरण गरिएको हो।

त्यस अवसरमा घाइते बुद्धिमान कुँवर र हरिकाजी ढुंगानामा विशेषगरी देश विदेशमा रहनुहुने नेपाली दाजुभाइ दिदीबहिनीहरूको सहयोग आफ्नो नियमित उपचार गर्न सहयोग पुगेको भन्दै धन्यवाद ज्ञापन गरे। उनीहरूले राज्यले उपचारमा केही सहयोग नगरेपनि नेपाली मन भएका नेपालीहरूको सहयोगले अहिले उपचार गर्न सँगै बाँच्ने सहज भएको प्रतिक्रिया दिएका थिए।

बाँकेको बैजनाथ गाउँपालिका ८ नेपाली २३ वर्षिय बुद्धिमान कुँवर भारतमा मजदुरी गर्ने क्रममा दुवै हात र एउटा खुट्टा गुमाएका थिए।

यसैगरी रूपाकोट मझुवागढी नगरपालिका ६ दिक्तेल खोटाङ निवासी ३६ वर्षिय हरिकाजी ढुंगाना विद्युत प्राधिकरणमा काम गर्ने क्रममा विजुलीको झट्का लागेर दुवै हात र एउटा खुट्टा गुमाएका थिए।