बैंककबाट आयो ओलीको स्वास्थ्य अवस्थाबारे यस्तो खबर

काठमाडौं, पुस ३० । गत पुस २६ गते नेकपा एमाले अध्यक्ष केपी ओली नियमित उपचारको लागि बैंकक उडे । बैंकक गएका ओलीको त्यहाँ २ दिन लगाएर उपचार गरिएको थियो ।

उपचार गरेका ओलीको स्वास्थ्य अवस्था सोचेभन्दा राम्रो रहेको पाइएको छ । उपचारमा संलग्न चिकित्सकहरुका अनुसार ओलीको स्वास्थ्य अवस्था आफूहरुले ‘सोचेभन्दा राम्रो’ पाइएको छ ।

‘अध्यक्षको नियमित स्वास्थ्य परीक्षण भइसकेको छ, अवस्था पहिलाभन्दा निकै राम्रो रहेको बताएका छन्,’ चिकित्सकको भनाइ उद्धृत गर्दै ओलीका प्रेस संयोजक चेतन अधिकारीले भने ।

केही वर्षअघि ओलीले नियमित स्वास्थ्य परिक्षण गराउँदै आएका छन् । मृगौला प्रत्यारोपणपछि ओलीले उपचारको क्रममा थुप्रै पटक विदेशी अस्पताल जानुपर्यो ।

चिकित्सकहरुको सल्लाहअनुसार ओली गत मंसिरमै नियमित स्वास्थ्य परीक्षणमा जानपथ्र्यो । तर, चुनावी अभियानका कारण एक महिना ढिला उपचारको लागि बैंकक गएका ओली आगामी मंगलबार स्वदेश फर्कनेछन् ।

चार वर्षअघि निकै संघर्षपूर्ण यात्रा व्यहोरेका ओलीले स्वास्थ्यमा ख्याल नगर्दा कठिन अवस्था आएपछि केही समययता उनी नियमित परीक्षण गराउँदै आएका छन् ।