मकवानपुरमा दुइजना खसी चोर पक्राउ
सारांश
- हेटौडा , ५ मंसिर।
- जिल्ला प्रहरी कार्यालय मकवानपुरले रातको समयमा तीनजनाको घरबाटजम्मा ६ वटा खसी र १ पाठी चोरि बिक्री समेत गरी फरार रहेका २ जना चोरहरुलाई पक्राउ गरेको छ।
- उनीहरुले मनहरी गाउपालिका ८ खरंगाका कुमार तामांगको खोरबाट २ वटा खसी ,मनहरी गाउपालिका १९ दारिमटारका सुन्दरलाल श्रेष्ठको खोरबाट २ वटा खसी र १ वटा पाठी र यहि बस्ने रामकुमार थापाको खोरबाट २ वटा खसी चोरेका थिए।
हेटौडा , ५ मंसिर। जिल्ला प्रहरी कार्यालय मकवानपुरले रातको समयमा तीनजनाको घरबाटजम्मा ६ वटा खसी र १ पाठी चोरि बिक्री समेत गरी फरार रहेका २ जना चोरहरुलाई पक्राउ गरेको छ। उनीहरुले मनहरी गाउपालिका ८ खरंगाका कुमार तामांगको खोरबाट २ वटा खसी ,मनहरी गाउपालिका १९ दारिमटारका सुन्दरलाल श्रेष्ठको खोरबाट २ वटा खसी र १ वटा पाठी र यहि बस्ने रामकुमार थापाको खोरबाट २ वटा खसी चोरेका थिए। चोरीको खबर पाएपछि प्रहरीले अनुसन्धानको गर्दैजादा निजहरु हेटौडा १० बसपार्कमा स्थित खसीबजारमा चोरीका खसी पाठी बिक्रि गरि चोरहरु बा १५ च ७६८८ नम्बरको बोलेरो गाडीमा चितवन तर्फ गएको पत्ता लागेको थियो।
उक्त बोलेरो गाडी खोज तलाश गर्दै जादा मनहरी गाउपालिका ०७ स्थित चेकपोस्टमा फेला पारी गाडी चालक रामेछाप गुन्छी ८ बस्ने बर्ष २२ को बिपिन चौलागाई र सोहि गाडीमा सवार रामेछाप चौरी गाउपालिका ९ बस्ने बर्ष २३ को रामशरण चौलागाईलाइ प्रक्राउ गरिएको थियो। निजहरुको जिउ खानतलासी गर्दा रामशरण गौतमले लगाएको पाइन्टबाट ४१ हजार र सर्टबाट ३० हजार बरामद भएको थियो। पछि हेटौडा १० खसीबजारबाट ५ वटा खसी र १ वटा पाठी फेलापारी निज २ जना , बोलेरो गाडी ,७१ हजार रुपैया र खसी पाठी कार्यलयमा ल्याई चोरी मुद्दा शिर्षक अनुसार कारवाही भै रहेको जिल्ला प्रहरी कार्यलय मकवानपुरले जनाएको छ।
प्रतिक्रिया