महंगियो इन्टरनेट : साउन १ बाट शुल्क बढ्दै , उपभोक्ता माथि थप भार

काठमाडौं । सरकारले दूरसञ्चार शुल्कमा वृद्धि गर्दै इन्टरनेट सेवामा पनि शुल्क लगाएपछि फोन तथा इन्टरनेट सेवा महंगिने भएको छ । निजी मोबाइल सेवा प्रदायक एनसेलले साउन १ गतेदेखि फोन र इन्टरनेट सेवा शुल्क समायोजन गर्ने जानकारी दिएको छ भने नेपाल टेलिकमले पनि साउन १ बाट मूल्य समायोजन गर्ने तयारी गरेको छ ।

सरकारले टेलिफोन सेवा प्रदायकका हकमा मात्र लगाउँदै आएको यो दस्तुर इन्टरनेट सेवामा पनि विस्तार गरेको छ । टेलिफोनमा ११ प्रतिशत रहेको दस्तुर १३ प्रतिशत र्पुयाएर इन्टरनेट सेवामा पनि सोही दरमा लगाउन थालिएको हो । अब सबै सेवामा मूल्य अभिवृद्धि कर पनि लाग्नेछ । टेलिफोन सेवामा करिब ३ प्रतिशत मुल्य बढ्ने अनुमान छ । इन्टरनेट सेवाको मूल्य १४.३ प्रतिशतले महंगिने भएको हो ।

उपभोक्तामा थप भार
सरकारले उपभोक्ताबाट उठाएर बढेको शुल्क लिन भनेको भन्दै अब इन्टरनेट सेवाको त्यसैअनुसार मूल्य समायोजन गर्ने तयारीमा सेवा प्रदायक कम्पनी लागेका छन् । अव उपभाक्ता मंहगीको थप भारमा पर्ने छ ।

सरकारले बजेटमार्फत इन्टरनेट सेवामा पनि पनि दूरसञ्चार सेवा दस्तुर लगाउन सुरु गरेको छ । यस अघि नलिइने यस्तो दस्तुर एकैपटक १३ प्रतिशत र्पुयाएपछि इन्टरनेट सेवा प्रदायक कम्पनीले विरोध गर्दै आएका छन् । तर, सरकारले नसुनेपछि अब त्यसको भार उपभोक्तामाथि नै थोपर्ने योजना सेवा प्रदायकले बनाएका छन् ।

इन्टरनेटको प्रयोगले टेलिफोनको ‘भ्वाइस सेवा’को प्रयोग घटाउँदै लगेकाले इन्टरनेटमा पनि दूरसञ्चार दस्तुर लगाउने भएको छ । आज–भोलि भाइबर,च्याट, ह्वाट्स एप लगायतको प्रयोगबाट धेरै भ्वाइस कल हुन्छ भ्वाइस कल इन्टरनेटतर्फ ट्रान्सफर भएकाले नै इन्टरनेटमा दूरसञ्चार दस्तुर लिन सुरु गरेको छ ।

सरकारले ब्रोडब्यान्ड नीतिको विपरीत हुने गरीे इन्टरनेटमा दूरसञ्चार दस्तुर लगाएको हो । इन्टरनेट सेवामा दस्तुर लगाएमा करिब २ अर्ब राजस्व थपिने अनुमान सरकारको छ । दूरसञ्चार क्षत्रेको आम्दानी भ्वाइस ओभर कललाई ओटीटीहरुले विस्तारै विस्थापित गर्दै लगेको छ । त्यसैले त्यसको हिस्सा कतै न कतै इन्टरनेटमा त छ भनेर दुरसञ्चारले दस्तुर लगाएको हो ।