महेश बस्नेतलाई फूलको गाउँमा फूलले स्वागत

विहान ८ बजे सूर्यविनायक नगरपालिका ४ दधिकोट गाम्चामा एमालेबाट प्रतिनिधिसभा उम्मेदवार एमालेका युवा नेता महेश बस्नेत र प्रदेशसभाका उम्मेदवार शशीजंग थापा आइपुग्दा स्थानीयले स्वागत गरे ।

आगामी मंसिर २१ गते हुने प्रतिनिधि तथा प्रदेशसभा निर्वाचनमा भक्तपुर क्षेत्र नं. २ बाट एमालेका तर्फबाट उम्मेदवार भएका बस्नेत र थापाले सुरु गरेको घरदैलो कार्यक्रममा मतदाताहरुल स्वागत गरेका हुन् ।

भक्तपुरका फूलखेतीका रहेको अर्थात् फूलको गाउँ भनेर चिनिने दधिकोटमा आज विहानदेखि सुरु भएको घरदैलोमा फूलको मालाले स्वागत गर्दा माला कै भारी देखियो ।

घरघरबाट युवादेखि ज्येष्ठ नागरिकसम्मले विजयीको शुभकामनासहित निधारमा टीका र गलामा उम्मेदवारलाई माला लगाइदिए । दहिको सगुन खुवाएर आर्शिवाद दिदाँ स्थानीय मतदाता विजयीको खुसीमा रमाउन हतारिएका देखिए ।

बस्नेत गाउँमा पुग्दा स्वागतका लागि हातमा टीका र फूल माला लिएर स्थानीय कुरेर बसेका थिए । भने ज्येष्ठ नागरिकले टीका र मालासहित ताली बजाएर नाच्दा घरदैलोको ¥यालीमा रौनकता छाएको थियो ।

बस्नेतले मतदातासँग भक्तपुरको मुहार फेर्नेगरि विकासको लहर ल्याउने, खानेपानीको व्यवस्था, सडक निर्माण, आधुनिक समार्ट सिटीको निर्माण, घरघमा बैकल्पिक उर्जाको व्यवस्थापनसँगै विभिन्न विकासको योजनासहित भोट मागीरहेका थिए ।

कार्यक्रममा बस्नेतले भने,‘मैले विकासको योजना लिएर भोट मागेको छु, मलाई युवादेखि ज्येष्ठ नागरिक समेतले गरेको माया, उहाँले दिनुभएको आर्शिवाद र घरघरबाट गरेको स्वागत देख्दा मेरो जित सुनिश्चित भयो भन्ने मलाई लागेको छ, घोषणा भएपछि जनताको चाहना पुरा गर्छु ।’