‘मेरो सरकार’ शब्दले राष्ट्रपतिलाई किन बनाइयो आलोचित !

काठमाडौं । सरकारलको नीति तथा कार्यक्रम प्रस्तुत गर्ने क्रममा राष्ट्रपति विद्यादेवी भण्डारीले ‘मेरो सरकार’ भन्ने शव्द उच्चरण गरेपछि प्रयोग गरेपछि यसको आलोचना भएको छ। नीति तथा कार्यक्रममा ‘मेरो सरकार’ लेखिएको कारण राष्ट्रपतिले उच्चारण गरेकी हुन् । राष्ट्रपति आफैले भने मेरो सरकार बनाएर भनेकी होइनन् ।

जनताको सार्वभौमसत्ता सम्पन्न सरकारले नीति तथा कार्यक्रममा मेरो सरकार भन्दै सम्बोधन गरिएको भन्दै आलोचना गरिएको हो ।

सामाजिक सञ्जालमा नेपाली कांग्रेसका नेता तथा सांसद गगन थापाले लेखेका छन्, ुम त नेपाल सरकारको ‘जनताको सरकार’ नीति तथा कार्यक्रम सुन्न संसदमा उपस्थित भएको ,यहाँ त राष्ट्रपतिज्यू बाट महामहिम ज्यू को निजी सरकार को कार्यक्रम को पो घोषणा भैरहेको छ।

नेपाल सरकारको नीति तथा कार्यक्रम सुन्न कहाँ, कहिले आउँ होला?’ राजतन्त्र कालमा राजाले सम्बोधनका क्रममा मेरो सरकार भन्ने शब्द प्रयोग गरेको भन्दै आलोचना भएको हो ।

गणतन्त्र स्थापना भएपछिका प्रथम राष्ट्रपति रामवरण यादवले पनि आफ्नो सम्वोधनमा ‘नेपाल सरकार’ प्रयोग गर्दै नीति तथा कार्यक्रम प्रस्तुत गरेका हुन् ।

पूर्वसचिव रामेश्वर खनालले यो सर्वाभौम नेपाली जनताको कि राष्ट्रपतिको सरकार भन्दै प्रश्न गरेका छन् ।