यसरी मनाउने भो पत्रकार महासंघले ६३ औं स्थापना दिवस

काठमाडौं, ९ चैत । नेपाल पत्रकार महासंघ केन्द्रीय समितिले आफ्नो ६३ औं स्थापना दिवसलाई विविध कार्यक्रमसहित मनाउने निर्णय गरेको छ । स्थापना दिवस मनाउन महासचिव रमेश विष्टको संयोजकत्वमा ६ जना सचिवहरु रहेको समिति गठन गरिएको छ ।

अध्यक्ष गोविन्द आचार्यको अध्यक्षतामा नेपाल पत्रकार महासंघको उपलब्ध पदाधिकारी तथा सदस्यहरूको बैठकले उक्त निर्णय गरेको हो । स्थापना दिवसका अवसरमा महासंघले चैत १६ गते महासंघका पूर्वसभापतिहरूलाई सम्मान गर्नुका साथै केन्द्रीय कार्यालयमा रक्तदान तथा चियापान कार्यक्रमको आयोजना गर्ने निर्णय गरेको छ ।

त्यस्तै महासंघका सबै शाखा, प्रतिष्ठान, एसोसिएट र वैदेशिक शाखाहरुलाई पनि २०७४ चैत १६ गते रचनात्मक कार्यक्रमहरु गरी स्थापना दिवस मनाउन आह्वान गरिएको सचिव प्रकाश थापाले जारी गरेको विज्ञप्तिमा उल्लेख छ ।