यी खेलाडिले स्विकारे फिक्सिङ गरेकाे अाराेप

पाकिस्तानका पूर्व क्रिकेटर डानिस कनेरियाले स्पट फिक्सिङमा संलग्न भएको स्वीकार गरेका छन् ।६ वर्षदेखि स्पट फिक्सिङको आरोप अस्वीकार गरेका ३७ वर्षे केनेरियाले स्पट फिक्सिङका कारण सबै कुरा गुमाएको प्रतिक्रिया दिए । ‘६ वर्ष भयो । मैले सबै कुरा गुमाएँ,’ कनेरियाले अल जजिरालाई बताएका थिए ।मैले मेरा साथीहरु गुमाएँ, समर्थकको सम्मान गुमाएँ ।’

साथै उनले एसेक्स टिमका अर्का खेलाडी मेर्भिन वेस्टफिल्डसँग पनि माफी मागेका छन् । कनेरियाले मेर्भिनलाई स्पट फिक्सिङ गर्न उक्साएका थिए । जसका कारण उनी चार महिना जेल गएका थिए । कनेरियाको सल्लाहमा मेर्भिनले सन् २००९ मा भएको डुरह्यामविरुद्धको एक दिवशीय खेलको एउटा ओभरमा १२ रन दिएका थिए । लेग स्पिनर कनेरियालाई इंग्ल्याण्ड र वेल्समा क्रिकेट खेल्नबाट आजिवन प्रतिबन्ध लगाइएको छ ।