राजनीतिक स्थिरता र आर्थिक समृद्धिको जनचाहना पुरा हुने : अध्यक्ष थापा

काठमाडौं, माघ १६ । राप्रपाले आज राष्ट्रियता, प्रजातन्त्र र जनताको अधिकारका लागि प्राणको बलिदान गर्ने शदिहरुको सम्मानमा श्रद्धाञ्जली कार्यक्रम गरेको छ ।

सभालाई सम्बोधन गर्दै राप्रपा अध्यक्ष कमल थापाले शहिदहरुको बलिदानबाट नेपाली जनताले प्रजातन्त्रको सुनौलो बिहानी देख्ने अवसर प्राप्त भएको उल्लेख गरे ।

अध्यक्ष थापाले प्रजातन्त्रको स्थापना भएको ६७ वर्षसम्म स्थायी राजनीतिक प्रणाली स्थापना गर्न नसकिएकोमा दुःख व्यक्त गर्दै ०७२ सालमा संविधान जारी भएपश्चात पनि राजनीतिक स्थिरता र आर्थिक समृद्धिको जनचाहना पुरा हुनेमा आशंका व्यक्त गरे ।

नयाँ जनादेश अनुसार अब केही दिनमा नयाँ सरकार बन्दैछ तर राजनीतिक स्थिरता, आर्थिक समृद्धि र विकासको मुद्धामा साझा दृष्टिकोण नबनेकोले जनताको चाहना अधुरे रहनेमा उनले आशंका व्यक्त गरेका हुन् ।

उहि पात्र, उहि दल र उहि चरित्र कायम रहेसम्म जनचाहना कुठाराघात भइरहने पनि उनले दाहो¥याएका छन् ।

शदि दिवसको अवसरमा शहिदहरुको त्याग र वलिदान सम्झेर पार्टीभन्दामाथि उठेर एकताबद्ध हुन उनले सबै राजनीतिक दल र नेताहरुलाई आग्रह समेत गरेका छन् ।

कार्यक्रमलाई पार्टीका उपाध्यक्ष बुद्धिमान तामाङ, महामन्त्री जयन्त चन्दले समेत सम्बोधन गरेका थिए ।

सो कार्यक्रममा शदिहरु गंगालाल श्रेष्ठ, दशरथ चन्द, शुक्रराज शास्त्री, धर्मभक्त माथेमा लगायत राष्ट्रियता, प्रजातन्त्र र हिन्दूत्वको रक्षार्थ प्राण आहुती दिने करिब १०० जना राप्रपाका नेता तथा कार्यकर्ताहरुको स्मरण गरिएको थियो ।