राजपाद्वारा आयोगको प्रतिवेदन सार्वजनिक गर्न माग गर्दै प्रतिनिधिसभा बैठक अवरुद्ध
सारांश
- काठमाडौं।
- राष्ट्रिय जनता पार्टी (राजपा) ले मधेस आन्दोलनका क्रममा भएका मानवअधिकार उल्लघंनका घटनाबारे छानवीन गर्न गठित न्यायिक आयोगको प्रतिवेदन सार्वजनिक गर्न माग गर्दै प्रतिनिधिसभा बैठक अवरोध गरेको छ।
- बैठकको सुरुमा राजपाका सांसदहरु एकैसाथ उठेपछि सभामुख कृष्णबहादुर महराले राजपाका नेता राजकिशोर यादवलाई बोल्न समय दिएका थिए।
काठमाडौं। राष्ट्रिय जनता पार्टी (राजपा) ले मधेस आन्दोलनका क्रममा भएका मानवअधिकार उल्लघंनका घटनाबारे छानवीन गर्न गठित न्यायिक आयोगको प्रतिवेदन सार्वजनिक गर्न माग गर्दै प्रतिनिधिसभा बैठक अवरोध गरेको छ।
बैठकको सुरुमा राजपाका सांसदहरु एकैसाथ उठेपछि सभामुख कृष्णबहादुर महराले राजपाका नेता राजकिशोर यादवलाई बोल्न समय दिएका थिए। यादवले अघिल्लो बैठकमा नै आफूहरुले सो बारेमा कुरा उठाएकोमा गृहमन्त्री रामबहादुर थापाले हल्काफुल्का जवाफ दिएको भन्दै आपत्ति जनाएका थिए। उनले मधेश आन्दोलन र थारु आन्दोलनलाई आपराधिक भनिदै आएकोले सो रिपोर्ट सार्वजनिक भएमा धेरै कुरा खुल्ने जनाएका थिए ।लाल आयोगले २०७४ माघ २९ गते प्रतिवेदन बुझाएको थियो।
यसअघि राजपाले उक्त प्रतिवेदन सार्वजनिक गर्न सभामुखमार्फत सरकारको ध्यानाकर्षण गराएका थिए। सभामुख कृष्णबहादुर महराले पनि प्रतिवेदन सार्वजनिक गर्न सरकारलाई रुलिङ गरेका थिए।
सरकारले मधेस आन्दोलन एवं थारु आन्दोलनका क्रममा भएका मानवअधिकार उल्लघंनका घटनाबारे छानवीन गर्न पूर्वन्यायाधीश गिरिशचन्द्र लालको नेतृत्वमा आयोग गठन गरेको थियो। आयोगले २०७४ साल माघ २९ गते तत्कालीन प्रधानमन्त्री शेरबहादुर देउवालाई प्रतिवेदन बुझाइसकेको छ। तर सरकारले उक्त प्रतिवेदन सार्वजनिक गरेको छैन।
राजपाले आफूहरुको माग सम्वोधन गर्ने शर्तसहित सरकारलाई बाहिरै बसेर समर्थन गर्दै आएको थियो। तर कैलाली जिल्ला अदालतले टिकापुर घटनामा दोषी ठहर गर्दै कैलाली निर्वाचन क्षेत्र नम्बर एकबाट निर्वा्चित रेशम चौधरीलाई जन्म कैदको फैसला सुनाएपछि राजपाले सरकारलाई दिएको समर्थन फिर्ता लिएको थियो।
राजपाले संविधान संशोधन हुनुपर्ने, मधेस आन्दोलनका क्रममा पक्राउ परेका कार्यकर्तालाई रिहा गर्नुपर्ने, घाइतेको उपचार गर्नुपर्ने तथा आयोगको प्रतिवेदन सार्वजनिक गर्नुपर्ने माग राख्दै आएको छ।
कुल कमेन्ट:
0
Shikhar Khabar
लेखकबाट थप
यो खबर पढेर तपाईंलाई कस्तो महसुस भयो ?
प्रतिक्रिया