राप्ती स्वास्थ्य विज्ञान प्रतिष्ठानमा देखिएको समस्या समाधान गर्न उपसमिति गठन
सारांश
- काठमाडौँ ।
- संसदको शिक्षा तथा स्वास्थ्य समितिले राप्ती स्वास्थ्य विज्ञान प्रतिष्ठानमा देखिएको समस्या समाधान गर्न उपसमिति गठन गरेको छ ।
- सिंहदरबारमा आज बसेको समितिको बैठकले राप्ती स्वास्थ्य विज्ञान प्रतिष्ठानमा देखिएको समस्या समाधान गर्न सुझाव दिनेगरी पाँच सदस्यीय स्थलगत अध्ययन समिति गठन गरेको हो ।
काठमाडौँ ।संसदको शिक्षा तथा स्वास्थ्य समितिले राप्ती स्वास्थ्य विज्ञान प्रतिष्ठानमा देखिएको समस्या समाधान गर्न उपसमिति गठन गरेको छ । सिंहदरबारमा आज बसेको समितिको बैठकले राप्ती स्वास्थ्य विज्ञान प्रतिष्ठानमा देखिएको समस्या समाधान गर्न सुझाव दिनेगरी पाँच सदस्यीय स्थलगत अध्ययन समिति गठन गरेको हो ।
खगराज अधिकारी संयोजक रहेको उपसमितिमा अन्जना विशंखे, गजेन्द्रबहादुर महत, एकवाल मियाँ र नमिताकुमारी चौंधरी सदस्य रहनु भएको छ ।
राप्ती स्वास्थ्य विज्ञान प्रतिष्ठानमा जथाभावी कर्मचारी हटाउने, नयाँ नियुक्त गर्ने काम पदाधिकारीबाट भएको भन्दै कर्मचारीहरु आन्दोलनमा उत्रिएका छन् । चिकित्सक र कर्मचारीको आन्दोलनका कारण विरामी प्रभावित बनेका छन् ।
बैठकमा समितिका सदस्यहरुले सो प्रतिष्ठानका पदाधिकारीले स्वास्थ्य सेवामा प्रतिकूल प्रभाव हुने गरी जथाभावी निर्णय गरेकाले त्यसलाई रोक्न सरकारको गम्भिर ध्यानाकर्षण गराएका थिए । प्रतिष्ठानका कर्मचारीको आन्दोलनका कारण ६ महिनायता स्वास्थ्य सेवा अवरुद्ध हुँदै आएको छ ।
प्रतिक्रिया