राप्रपा र राप्रपा (प्रजातान्त्रिक)लाई ४-४ स्थान मात्रै, कुन कुन क्षेत्र पाए?
सारांश
- काठमाडौं, १६ कार्तिक।
- कांग्रेसले प्रतिनिधिसभाका ४ वटा क्षेत्रमा राप्रपालाई सघाउने र बाँकी क्षेत्रमा राप्रपाले कांग्रेसलाई सघाउने सहमति भएको छ ।
- दुई दलबीच झापा–३ मा भने मित्रवत् प्रतिष्पर्धा गर्ने सहमति भएको छ ।
काठमाडौं, १६ कार्तिक। कांग्रेसले प्रतिनिधिसभाका ४ वटा क्षेत्रमा राप्रपालाई सघाउने र बाँकी क्षेत्रमा राप्रपाले कांग्रेसलाई सघाउने सहमति भएको छ । दुई दलबीच झापा–३ मा भने मित्रवत् प्रतिष्पर्धा गर्ने सहमति भएको छ ।
‘नेपाली कांग्रेस र राप्रपाबीच भएको लिखित सहमतिविपरीत कांग्रेसले प्रतिनिधिसभा सदस्यको निर्वाचनका लागि झापा–३ बाट उम्मेदवार उठाउने निर्णय गरेकाले पछि सो स्थानमा दुवै दलबीच प्रतिस्पर्धा हुने भएको छ । ‘झापाबाहेक देशका सबै जिल्लामा कांग्रेससँगको सहकार्य यथावत् छ,’ राप्रपाका सह प्रवक्ता मोहन श्रेष्ठले भने ।
झापा–३ मा राप्रपाका तर्फबाट महामन्त्री राजेन्द्र लिङदेन र कांग्रेसका तर्फबाट पूर्वमहामन्त्री कृष्णप्रसाद सिटौला उम्मेदवार बन्दै छन्। कांग्रेसले राप्रपालाई दिएका चार स्थानमा पार्टीका तर्फबाट उम्मेदवार नउठाउने र राप्रपाले पनि ५ स्थानमा बाहेक अन्य स्थानमा उम्मेदवार नउठाउने सहमति पनि दुई दलबीच भएको छ ।
सहमतिअनुरूप राप्रपाले मकवानुपुर–१, बाँके–२, काठमाडौं–७ र दैलेख–१ मा पार्टीका तर्फबाट उम्मेदवारको नाम तय गरिसकेको गिरीले बताए । मकवानपुर–१ मा अध्यक्ष कमल थापा, बाँके–२ मा ओमप्रकाश आजाद, काठमाडौं–७ मा विक्रमबहादुर थापा र दैलेख–१ मा दीपककुमार शाही उम्मेदवार बन्दै छन् । प्रदेश सभामा भने तालमेल नगरी मित्रवत् प्रतिष्पर्धा गर्ने सहमति बनेको गिरीले बताए ।
कांग्रेस वार्ता राप्रपा (प्रजातान्त्रिक)ले पनि चार स्थान प्राप्त गरेको छ । दुवै दलबीच भएको सहमतिअनुसार सिन्धुपाल्चोक–२, चितवन–३, रुपन्देही–२ तथा धनकुटामा कांग्रेसले उम्मेदवार नउठाउने र तीबाहेक स्थानमा राप्रपा प्रजातान्त्रिकले उम्मेदवार नउठाउने सहमति भएको बताए।
कांग्रेससंगको सहमतिअनुरूप राप्रपा प्रजातान्त्रिकका अध्यक्ष पशुपतिशमशेर राणाले सिन्धुपाल्चोक–२ बाट उम्मेदवारी दर्ता गरिसकेका छन्। रुपन्देही–२, चितवन–३ र धनकुटामा उम्मेदवार दर्ता गरिने उनले बताए । बोहोराले बिहीबार चितवन–३ बाट विक्रम पाण्डे, धनकुटाबाट सुनील थापा र रुपन्देही–२ बाट आफूले उम्मेदवारी दर्ता गर्ने निर्णय पार्टीले गरेको जानकारी दिए ।
प्रतिक्रिया