रित गौतमको शतकसँगै सिंगापुरलाई नेपालको विशाल लक्ष्य

काठमाडौं। एसीसी अण्डर १९ इस्टर्न रिजन क्रिकेट प्रतियोगितामा नेपालले सिंगापुरलाई विशाल लक्ष्य दिएको छ । रित गौतमको शतक र खडक बहादुर बोहराको ९० रनको मद्दतमा नेपालले सिंगापुरलाई ३२७ रनको लक्ष्य दिएको हो । मलेसियाको किनरारा ओभल मैदानमा टस जितेर ब्याटिङ रोजेको नेपालका लागि ओपनर रित गौतम र पवन सर्राफले ९२ रनको साझेदारी गरे ।

सर्राफ ४१ बल खलेर ४५ रनको स्कोरमा आउट भएपछि आएका खडकबहादुर बोहोराले गौतमसँग मिलेर टिमको स्कोर २२३ रन पुर्याए । बोहोराले ९० बल खेलेर ९० नै रन बनाए । सर्राफले १० चौका र बोहराले १२ चौका हाने । बोहोरा आउट भएपछि आएका विशाल बिक्रम केसी र कप्तान रोहित कुमार पौडेल भने चल्न सकेनन् । केसी मात्रै १ रनमा आउट भए l

कप्तान पौडेलले पनि ९ रन मात्र जोड्न सके । छैटौं ब्याट्सम्यानको रुपमा आएका कुशल मल्लले विष्फोटक ब्याटिङ गर्दै नेपालको रनलाई माथि पुर्याए । मल्लले ५ छक्का र ४ चौकाको मद्दतका २३ बलमै अर्धशतक बनाए । उननले ५१ रनको इनिङ खेल्दै नटआउट रहे । १३७ बलमा ११५ रन बनाएका ओपनर रित गौतम पनि नटआउट रहे । उनले १० चौका र १ छक्का हाने ।

आर्जेन रोवेनले लिए सन्यास
नेदरल्याण्डका स्टार खेलाडी आर्जेन रोबेनले खेल जीवनबाट सन्यास घोषणा गरेका छन् । जर्मन क्लब वायर्न म्युनिखका पूर्व विंगर रोबेनले बिहिबार खेल जीवनबाट सन्यास घोषणा गरेका हुन् ।

चेल्सी र रियल मड्रिडका पूर्व खेलाडी समेत रहेका रोबेनले आफ्नो १९ बर्षे खेल जीवनबाट सन्यास लिएका छन्। उनले आफ्नो क्लब करियरमा ६०६ खेल खेल्दै २१० गोल गरेका थिए । यस सिजनको अन्त्यसंगै वायर्न छाडेका उनले ३०९ खेलमा १४४ गोल गरेका थिए ।

रोबेनले सन् २०१७ बाट अन्तर्रा्िष्ट्रय खेल जीवनबाट सन्यास लिएका थिए ।