लगातार छैटौं खेलमा हारेपछि विराट कोहलीले के भने ?
सारांश
- काठमाडौं।
- इण्डियन प्रिमियर लिग (आइपिएल)मा लगातार छैटौं खेलमा हारेपछि रोयल च्यालेन्जर्स बैंगलोरका कप्तान विराट कोहलीले टिमको प्रदर्शनप्रति निराशा व्यक्त गरेका छन् ।
- उनले भने ‘हामी हारेपछि हरेक दिन बहाना बनाउन सक्दैनौं ।
काठमाडौं। इण्डियन प्रिमियर लिग (आइपिएल)मा लगातार छैटौं खेलमा हारेपछि रोयल च्यालेन्जर्स बैंगलोरका कप्तान विराट कोहलीले टिमको प्रदर्शनप्रति निराशा व्यक्त गरेका छन् । उनले भने ‘हामी हारेपछि हरेक दिन बहाना बनाउन सक्दैनौं ।’ आइपिएलको यो सिजनमा यो बैंगलोरको लगातार छैटौं हार हो ।
उसले जारी आइपिएलमा कुनै पनि खेल जित्न सकेको छैन । बैंगलोर यो सिजनमा सहभागी टिमहरुमध्ये किंग्स ११ पंजाबसँग मात्र खेल्न बाँकी छ । उसले अन्य सबै टिमसँग हारिसकेको छ । बैंगलोरलाई प्लेअफ पुग्न अब बाँकी ८ खेल सबै जित्नै पर्छ ।
बैंगलोरले हिजोको खेलमा दिएको १५० रनको लक्ष्य दिल्लीले ७ बल बाँकी छँदै ६ विकेटको क्षतिमा भेट्टाएको थियो । कोहलीले भने ‘हामीलाई लागेको थियो कि १६० रनको स्कोर लड्न लायक हुनेछ । तर, नियमित अन्तरालमा विकेट झरेपछि हामीले यसो गर्न सकेनौं । म अन्तिमसम्म क्रिजमा रहिरह चाहन्थें । यहाँसम्म कि १५० को स्कोर पनि हामीले डिफेण्ड गर्न सक्थ्यौं । यसका लागि हामीले मौकाको फाइदा उठाउनुपर्ने थियो । तर, यस्तो हुन सकेन ।’
कोहलीले यो खेलमा ३३ बलमा ४१ रन बनाएका थिए । उनले भने ‘हामीले म्याचको दिन अहिलेसम्म राम्रो खेल देखाउन सकेनौं । यो सिजनमा टिमको यही कहानी छ । मसँग यस्तै किसिमको इनिङ खेल्ने बाहेक कुनै विकल्प थिएन । विकेटमा खेल्न मुस्किल थियो । एबी डिभिलियर्स आउट भएपछि मैले इनिङ सम्हाल्नुपर्ने थियो । म अन्तिम ओभरमा आउट भएर खुसी थिइन । यदि विकेटमा रहन सकेको भए २५–३० रन अझै बनाउन सकिन्थ्यो ।’
कुल कमेन्ट:
0
Shikhar Khabar
लेखकबाट थप
यो खबर पढेर तपाईंलाई कस्तो महसुस भयो ?
प्रतिक्रिया