लि क्वान युका सल्लाहकारसँग कुरा गरेँ, नेपाललाई सिँगापुरजस्तै बनाउन सक्छौँ: प्रचण्ड

‘सिँगापुरमा रहँदा मैले सिङ्गापुरका सांसदहरु रलि क्वान यु राष्ट्रपति छँदाका सल्लाहकारहरुसँग कुरा गरेँ’ प्रचण्डले भने, ‘सिँगापुर कसरी विकसित भयो भन्ने विषयमा उनीहरुसँग कुराकानी भयो।’‘सिँगापुर पनि ४०–५० बर्षअघि नेपालजस्तै अविकसित थियो’ प्रचण्डले भने, ‘उनीहरुसँगको कुराकानीपछि के लागेको छ भने हामी सबै मिलेर लाग्यौँ भने हामीले पनि सिँगापुरकै गतिमा विकास गर्न सक्छौँ।’ प्रचण्ड अघिल्लो हप्ता पत्नी सीता दाहालको स्वास्थ्य उपचारका क्रममा सिँगापुर पुगेर झण्डै एक हप्ता बिताएका थिए।

केही हप्ताअघि भएको चीन भ्रमणका क्रममा रेलमार्गका विषयमा कुरा भएको जानकारी दिँदै प्रचण्डले केरुङ हुँदै आएको रेलमार्गको ठूलो अंश गोर्खा हुँदै लुम्बिनीसम्म पुग्ने र त्यसले गोर्खाको विकासमा ठूलो भूमिका खेल्ने दावी गरे। चिनिया नेताहरुसँग आफूले चीनसँग सीमा जोडिएका गोर्खाका नाका खोल्ने विषयमा पनि कुराकानी भएको र चिनिया नाका खोलिए गोर्खा हुँदै चीन–ठोरी जोडिने बताए। सबै राजनीतिक दलहरुको एजेण्डा विकास बनेको उल्लेख गर्दै प्रचण्डले हवाई, सडक र रेलमार्गमार्फत् कनेक्टिभिटी बढाउन सक्दा विकासले तीब्रता पाउने उल्लेख गरे।