वर्तमान सरकारको विकल्प छैनः प्रचण्ड

काठमाडौं, २५ मंसिर । नेपाल कम्युनिष्ट पार्टी नेकपाका अध्यक्ष पुष्पकमल दाहाल प्रचण्डले वर्तमान सरकारको विकल्प नरहेको बताएका छन् । कास्कीको मादी गाउँपालिकास्थित सिक्लेसमा आज विहान आयोजित पत्रकार भेटघाट कार्यक्रममा उनले सरकारले अपेक्षाकृत सफलता हासिल गर्ने बाटोमा लागेको बताएका छन् ।

सरकारले शुरुमा भ्रष्टाचारी, सुन तस्करी, सिण्डिकेटबिरुद्ध राम्रो शुरुवात गरेपनि तार्किक निश्कर्षमा पु¥याउन नसकेको उनले स्वीकार गरे । उनले सरकारले देशभित्र केन्द्रित भएर नयाँ गतिका साथ विकास र समृद्धिका लागि काम गर्ने उल्लेख गरे ।

वैदेशिक सम्बन्ध स्थापित गर्ने, कानून बनाउन लगायतका धेरै काम भने गरेको बताउनु भयो । दाहालले आगामी बजेटमा बृद्धभत्ता बढाइने समेत बताए । अर्को चुनाव आउनु अघि नै बृृद्धभत्ता ५ हजार हुने उनको भनाई छ ।