विश्व उपभोक्ता महासंघको अध्यक्षमा आजाद

दाङ, ९ माघ । विश्व उपभोक्ता महासंघ नेपालको अध्यक्षमा आजाद खड्का चयन भएका छन् । महासंघ नेपालको दाङ शाखाको भेलाले खड्कालाई अध्यक्षमा चयन गरेको हो । महासंघका केन्द्रीय सदस्य समेत रहेका खड्कालाई घोराहीमा भएको भेलाले अध्यक्षमा चयन गरेको हो ।

भेलाले दाङका १० वटै स्थानीयतहबाट प्रतिनिधित्व हुने गरी १३ सदस्यी जिल्ला तदर्थ समितिमा गठन गरेको हो । उपभोक्ता महासंघ दाङ शाखाको उपाध्यक्षमा डा.लोकराज पराजुली, सचिवमा गोपाल भण्डारी, कोषाध्यक्षमा गंगा पाण्डे, सदस्यहरुमा जया चौधरी, ताराप्रसाद भुसाल, देव यादव, चम्पकराज कार्की, खिमबहादुर वली, नन्दकिशोर पुन, शान्ति चौधरी, पदम खड्का लगायतलाई कार्यसमितिमा चयन गरेको छ ।

भेलाले दाङ जिल्लाको १० वटै स्थानीय तहको भेलाका लागि संयोजक पनि तोकेको छ । जसअनुसार बबई गाउँपालिकामा पदम खड्का, शान्तिनगर गाउँपालिकामा गोपाल भण्डारी, दंगीशरण गाउँपालिकामा जया चौधरी, तुलसीपुर उपमहानगरपालिकामा खिमबहादुर वली, घोराही उपमहानगर पालिकामा डा.लोकराज पराजुली, लमही नगरपालिकामा गंगा पाण्डे, राप्ती गाउँपालिकामा चम्पकराज कार्की र गढवा गाउँपालिकामा देव यादवलाई संयोजक चयन गरिएको छ । राजपुर र बंगलाचुली गाउँपालिकाको संयोजकमा जिल्ला कार्यालयले मनोनयन गर्ने निर्णय भएको छ । तुलसीपुर उपमहानगरपालिकामा नन्दकिशोर पुन र घोराही उपमहानगरपालिकामा शान्ति चौधरीलाई सहसंयोजक चयन गरिएको छ ।

उपभोक्ता अधिकारको पक्षमा जनचेतना निर्माण तथा अनुगमनको लागि दवावमूलक कार्यक्रम गर्ने र उपभोग्य वस्तुको उचित मूल्य, स्तरीय वस्तु उपभोगका लागि बातावरण तयार गर्नु महासंघको उद्देश्य रहेको छ । यही माघ २० गतेभित्र सबै गाउँपालिकास्तरमा स्थानीय समिति चयन गरिसक्ने र न्युनतम ७ र अधिकतम ५१ सदस्यीय कार्यसमिति निर्माण गर्ने निर्णय भएको छ । प्रत्येक वडाको १ जना नछुट्ने गरी समिति गठन गरिने महासंघ दाङका अध्यक्ष आजाद खड्काले जानकारी दिए ।