शर्मालाई थुनामुक्त गर्न माग गर्दै सर्वोच्चमा बन्दीप्रत्यक्षीकरणको रिट दायर
सारांश
- असार २७, २०७४ आन्तरिक राजस्व विभागका निलम्बीत महानिर्देशक चुडामणि शर्मालाई थुनामुक्त गर्न आदेशको माग गर्दै सर्वोच्च अदालतमा बन्दीप्रत्यक्षीकरणको रिट दायर भएको छ ।
- गैरकानुनी रुपमा थुनामा राखेको भन्दै शर्माकी श्रीमती कल्पना उप्रेतीले थुनामुक्तको माग गर्दै रिट दायर गर्नुभएको सर्वोच्चका प्रवक्ता महेन्द्रनाथ उपाध्यायले जानकारी दिनुभयो ।
- रिटमा अख्तियार दुरुपयोग अनुसन्धान आयोग ऐन, भ्रष्टाचार निवारण ऐन तथा संविधान विपरित थुनामा राखेको भन्दै थुना मुक्त आदेशको माग गरिएको छ ।
असार २७, २०७४ आन्तरिक राजस्व विभागका निलम्बीत महानिर्देशक चुडामणि शर्मालाई थुनामुक्त गर्न आदेशको माग गर्दै सर्वोच्च अदालतमा बन्दीप्रत्यक्षीकरणको रिट दायर भएको छ । गैरकानुनी रुपमा थुनामा राखेको भन्दै शर्माकी श्रीमती कल्पना उप्रेतीले थुनामुक्तको माग गर्दै रिट दायर गर्नुभएको सर्वोच्चका प्रवक्ता महेन्द्रनाथ उपाध्यायले जानकारी दिनुभयो ।
रिटमा अख्तियार दुरुपयोग अनुसन्धान आयोग ऐन, भ्रष्टाचार निवारण ऐन तथा संविधान विपरित थुनामा राखेको भन्दै थुना मुक्त आदेशको माग गरिएको छ । शर्मासंग अमानवीय ढंगबाट धरौटी रकम माग गरिएको भन्दै अख्तियारलाई कर फर्छ्यौट आयोगले गरेका काम कारवाही प्रति अनुसन्धान गर्ने अधिकार नभएको रिटमा उल्लेख छ । यसअघि,अख्तियारले अनाधिकृत रुपमा कर छुट दिएको आरोपमा शर्मासंग हिरासत मुक्त हुन ३ अर्ब रुपैयाँ धरौटी मागेको थियो ।
रिटमा अख्तियार दुरुपयोग अनुसन्धान आयोग, विशेष अदालत र अनुसन्धान अधिकृत राजन अधिकारीलाई विपक्षी बनाइएको छ । अर्बौ रकम करछलि गरेको भन्दै शर्मालाई अख्तियारले गत जेठ १९ गते नियन्त्रणमा लिई थुनामा राख्न विशेष अदालतमा पेश गरेको थियो ।
विशेष अदालतले पुर्पक्षका लागि थुनामा राख्न भन्दै शर्मालाई ३ पटक म्याद थप गरिसकेको छ । कर फर्छ्यौट आयोगका तत्कालिन अध्यक्ष लुम्बध्वज महत र सदस्य उमेश ढकाललाई समेत कर छली गरेको आरोपमा ३ अर्ब धरौटी माग गरिएपनि उनीहरु भने फरार छन् ।
प्रतिक्रिया