शाहरुख खान र सलमान खानलाई यस्ताे भने अामिर खानले

बलिउडका मुख्य अभिनेता मध्येका एक आमिर खान आफ्नो चलचित्र ‘ठग्स अफ हिन्दूस्तान’ का कारण चर्चामा छन् । चलचित्रमा फिरंगी ठग को भूमिकामा उनी देखीनेछन् । यस्तैमा बलिउडका किंग शाहरुख खानको चलचित्र ‘जीरो’ को ट्रेलर पनि रिलीज भएको छ। उक्त ट्रेलरलाई पनि दर्शकले मन पराएका छन् ।

यसैबीच आमिर खानले शाहरुख खान र दंबग खान अर्थात सलमान खानलाई लिएर एउटा टिप्पणी गरेका छन् जसको चर्चा अहिले भइरहेको छ । आमिर खान अहिले ठग्स अफ हिन्दूस्तानको प्रमोशनमा छन् । सञ्चारमाध्यमहरुमा कुराकानी गर्ने क्रममा आमिरले सलमान खान र शाहरुख खानका विषयमा ठूलो टिप्पणी गरेका हुन् ।

आमिरले भनेका छन् कि उनले शाहरुख र सलमानलाई कहिल्यै आफ्नो प्रतिस्पर्धी मानेनन् ।उनले अगाडि भने, ‘यदी मैले शाहरुखलाई प्रतिस्पर्धी ठान्ने भए अन्तरिक्ष यात्री राकेश शर्माको बायोपिकका लागि मैले शाहरुख खानको नाम दिने थिएन, किनभने मलाई थाहा छ कि शाहरुख राकेश शर्माको भूमिकालाई राम्रोसँग निभाउन सक्नेछन् ।’ ‘मैले जब राकेश शर्माको बायोपिकको कहानी सुने मलाई एकदमै राम्रो लाग्यो र मैले त्यतीबेला नै शाहरुखलाई फोन गरेर तपाईले पनि एकपटक कहानी सुन्न आवश्यक छ भनेको थिए । मलाई खुशी लागिरहेको छ कि शाहरुखले कहानी सुनेर र राजी पनि भए।’

यसका साथै आमिर खानले बलिउडका किंग खान र दबंग खानको पनि जमेर तारीफ गरे । उनी यी दुवैजनालाई ठूला स्टार मान्छन् ।