शिवमाया कानुनमन्त्री पक्का, महेशलाई शहरी विकास
सारांश
- काठमाडौं, ५ फागुन ।
- प्रधानमन्त्री केपी शर्मा ओलीले सरकारले दुई वर्ष पूरा गरेपछि मन्त्रिमण्डलमा केही सदस्य थप र हेरफेरको तयारी गरेका छन् ।
- ओलीले कार्यसम्पादन हेरेर फागुनमा हेरफेर गर्ने घोषणा विगतमै गरेका थिए ।
काठमाडौं, ५ फागुन । प्रधानमन्त्री केपी शर्मा ओलीले सरकारले दुई वर्ष पूरा गरेपछि मन्त्रिमण्डलमा केही सदस्य थप र हेरफेरको तयारी गरेका छन् । ओलीले कार्यसम्पादन हेरेर फागुनमा हेरफेर गर्ने घोषणा विगतमै गरेका थिए ।
ओलीले पूर्व उपसभामुख डा. शिवमाया तुम्बाहाम्फेलाई कानुनमन्त्री बनाउने तयारी गरेका छन् । उपसभामुखबाट राजीनामा दिएपछि उनको मन्त्री बन्ने पक्का भएको हो । शिवमाया आजै मन्त्री बन्नेछिन् ।
शहरी विकासमन्त्रीमा महेश बस्नेतको सम्भावना बलियो छ । उनी ओलीका रुचाएकामा पर्छन् । भक्तपुरमा प्रभाव बलियो बनाएका महेश हक्की र लडाकु स्वभावका भएकाले पनि ओलीले विकासे मन्त्रालयमा ल्याउन चाहेका छन् ।
पद्मा अर्यालको पद धरापमा परेपछि उनी सरकारी जग्गा फिर्ता अभियानमा लागेकी छिन् । उनको सक्रियताले ओली खुशी भएको बुझिएको छ । खेलकुदमन्त्री जगत विश्वकर्मामाथि पनि चुनौती थपिएको छ ।
अर्थमन्त्री डा. युवराज खतिवडाको टुंगो राष्ट्रियसभामा राष्ट्रपतिले मनोनित गर्ने नगर्नेबाट हुनेछ । ओलीले अर्थको जिम्मेवारी राजनीतिक व्यक्तिलाई नै दिनेबारे समेत छलफल चलाएका छन् । यसकारण खतिवडा आफ्नो कार्यसम्पादनको चर्चा चलाइरहेका छन् । खतिवडा मन्त्रीमा रहिरहन लबिङ गरिरहेका छन् ।
प्रतिक्रिया