राजनीति

संखुवासभाबाट एमालेका राजेन्द्र गौतम विजयी

Shikharkhabar

सोमबार, मंसिर २५, २०७४

१०

२४ पटक हेरिएको

संखुवासभाबाट एमालेका राजेन्द्र गौतम विजयी

Shikharkhabar

संखुवासभा, मंसिर २५ – संखुवासभाबाट प्रतिनिधिसभा सदस्यामा नेकपा एमालेका राजेन्द्र गौतम विजयी हुनु भएको छ ।
नेपाली कांग्रेसका दीपक खड्कालाई १ हजार १ सय ३० मतले हराउँदै गौतम विजयी हुनुभएको हो ।
यसअघि उहाँ दुई पटक पराजित हुनु भएको थियो ।

संखुवासभा, मंसिर २५ – संखुवासभाबाट प्रतिनिधिसभा सदस्यामा नेकपा एमालेका राजेन्द्र गौतम विजयी हुनु भएको छ । नेपाली कांग्रेसका दीपक खड्कालाई १ हजार १ सय ३० मतले हराउँदै गौतम विजयी हुनुभएको हो । यसअघि उहाँ दुई पटक पराजित हुनु भएको थियो ।

प्राप्त मत परिणम अनुसार गौतमले ३२ हजार ७ सय ६९ मत प्राप्त गर्नु भएको छ । कांग्रेसका खड्काले ३१ हजार ६ सय ३९ मत प्राप्त गर्नुभयो ।

को हुन गौतम ?

एमाले केन्द्रीय सदस्य राजेन्द्रप्रसाद गौतम सङ्खुवासभाको चैनपुर–५ फलाटेमा २०१९ साल पुस ५ गते जन्मनुभएको हो । गौतमको राजनीति २०३२ सालमा रातो झण्डा समूहमा आवद्ध भएपछि सुरु भएको थियो । २०३६ सालमा जिल्लामा विद्यार्थी आन्दोलनको नेतृत्व गरेका गौतम २०३४ सालमा अनेरास्ववियुको जिल्ला अध्यक्ष हुनुभयो ।

२०४४ देखि २०४८ सम्म विराटनगरको नगर उप–सचिव भएका गौैतम २०५९ देखि २०६५ नेकपा एमाले कोशी अञ्चल सचिव हुनुभयो । २०६५ देखि नेकपा एमाले कोशी अञ्चल प्रमुख रहेका गौतम अहिले नेकपा एमाले केन्द्रीय सल्लाहकार परिषद सचिव हुनुहुन्छ । उहाँले मानविकी संकायबाट स्नातकोत्तर गर्नुभएको छ । उहाँ २०७० सालको संविधानसभा चुनावमा संखुवासभा–२ बाट पराजित हुनुभएको थियो ।