सफल निर्माता सन्तोष सेनकाे ‘मेरी मामु’ प्याकअप !

काठमाडाै, ६ साउन । आसुसेन फिल्मसको निर्माणमा बनेको  बाल मनोविज्ञान नेपाली चलचित्र ‘मेरी मामु’को सुटिङ ३५ दिनमा  प्याकअप भएको छ । काठमाडौंसहित हेटौंडा, नारायणगढदेखि देवघाटसम्मको यात्रासँगै फिल्मको सम्पुर्ण छायांकन सकिएको हो । आसुसेन फिल्मसको निर्माणमा बनेको फिल्मको कथा बाल मनोविज्ञान र आमा-छोरा बीचको सम्बन्धको आसपास घुम्ने यसअघि नै बताइसकिएको छ ।

हिट सिरिज ‘प्रेमगीत’ निर्माता सन्तोष सेनले  याे चलचित्र मार्फत आफ्नै ६ बर्षिय छोरा आयुव सेनलाई डेव्यु गराएका छन्।  भदौ १५ लाई प्रदर्शन मिति तय गरिएको फिल्मको यसअघि नै पोस्टर रिलिज गरिसकिएको छ । छायांकन सकिए लगत्तै चलचित्र युनिट रिलिजकाे लागि लागिपर्ने बताइएकाे छ।यस अघिनै सुरु भईसकेको प्रचारलाई तिब्रता दिने मनस्थितीमा निर्माण टिम पुगेको निर्मता सेनले बताए ।

चलचित्रमा  पुरुषोत्तम प्रधानकाे छायांकन रहेकाे छ भने  आयुवसँगै ‘प्रेमगीत २’ गर्ल अश्लेशा ठकुरी, शारुक ताम्राकार लिड रोलमा छन् । याे चलचित्र मार्फत कुसुम गुरुङले अभिनेत्रीको रुपमा डेब्यू गर्दैछिन् । यम थापाको लेखन निर्देशन रहेको फिल्ममा भुवन चन्द, सानु ताम्राकार, दुर्गा मल्ल ठकुरी र  दुई बाल कलाकार कृजन गौतम र शुभम बिष्ट पनि लिड रोलमा रहेकाे निर्माण पक्षले बताएकाे छ।