सरकारका कारण गणतन्त्र र संघीयता धरापमा : गगन थापा
सारांश
- नेपाली कांग्रेसका युवा नेता गगन थापाले सरकारका गतिविधिले गणतन्त्र र संघीयता नै धरापमा परेको बताए ।
- नेपाली जनताले ६० वर्षको संघर्षपछि पाएको उपलब्धि माथि तानाशाही प्रवृत्ति हाबी हुँदा उपलब्धी धरापमा परेको उनको भनाई थियो ।
- ‘संघीयता र गणतन्त्र संरक्षण गर्नु हाम्रो दायित्व हो’, उनले भने, ‘तर, जसले संरक्षण र विकास गर्नु पर्ने हो त्यहीबाट खतरा बढेर गएको छ।
नेपाली कांग्रेसका युवा नेता गगन थापाले सरकारका गतिविधिले गणतन्त्र र संघीयता नै धरापमा परेको बताए । नेपाली जनताले ६० वर्षको संघर्षपछि पाएको उपलब्धि माथि तानाशाही प्रवृत्ति हाबी हुँदा उपलब्धी धरापमा परेको उनको भनाई थियो ।
‘संघीयता र गणतन्त्र संरक्षण गर्नु हाम्रो दायित्व हो’, उनले भने, ‘तर, जसले संरक्षण र विकास गर्नु पर्ने हो त्यहीबाट खतरा बढेर गएको छ।’उनले अरुबाट संघीयता र गणतन्त्रमाथि खतरा नभएर केपी शर्मा ओली नेतृत्वको सरकारबाटै खतरा बढेको दाबी गरे।
‘इतिहासमा सबै भन्दा बढी शक्तिशाली प्रधानमन्त्रीको रुपमा रहेका केपी ओलीकै कारण उपलब्धी संकटमा पर्न थालेका छन्, उनले भने ।
शनिबार प्रजातान्त्रिक उद्योगी व्यवसायी संघ तुलसीपुरले दाङको श्रीगाउँमा गरेको कार्यक्रममा बोल्दै थापाले भने, ‘केपी ओली प्रधानमन्त्री हो। अहिले उहाँ नै देशमा तानाशाही, विकृति बढाइरहनु भएको छ।’सरकारले हावादारी गफ गर्ने बाहेक अरु कुनै पनि उपलब्धि देखाउन नसकेको आरोप उनको छ ।
तानाशाही प्रविधि हावी हुँदा संसदमा समाभुखसमेत निरिह बन्नु परेको भन्दै उनले भने, ‘संसदमा प्रधानमन्त्रीको हस्तक्षेप बढिरहेको, सभामुख महरासमेत ओलीको निर्देशनमा चल्नुभएको छ ।’
प्रतिक्रिया