सरकारले तोक्यो धानको मूल्य, यस्ता छन् अन्य निर्णय …
सारांश
- काठमाडौँ ।
- सरकारले धानको मूल्य तोकेको छ ।
- बुधबार साँझ बसेको मन्त्रिपरिषद वैठकले किसानको बर्खे धान भित्र्याउने बेला हुँदै गर्दा मूल्य तोकेको हो ।
काठमाडौँ । सरकारले धानको मूल्य तोकेको छ । बुधबार साँझ बसेको मन्त्रिपरिषद वैठकले किसानको बर्खे धान भित्र्याउने बेला हुँदै गर्दा मूल्य तोकेको हो । आव २०७५/०७६ का लागि बर्खे धानको न्यूनतम समर्थन मूल्य तोकेको हो । मोटा धानको प्रतिक्विन्टल २ हजार ३३१ रुपैयाँ र मध्यम धानको २ हजार ४६० रुपैयाँ कायम गरिएको छ ।
त्यसैगरी बैठकले पोखरा लेखनाथ नगरपालिकाको नाम परिवर्तन गरी पोखरा महानगरपालिका कायम गरेको छ ।
त्यसैगरी मन्त्रिपरिषद वैठकले मौलिक हकअन्तर्गत विभिन्न विधेयक संघीय संसद्मा पेस गर्ने निर्णय गरेको छ ।
बुधबारको मन्त्रिपरिषद् बैठकले आवासको अधिकार सम्बन्धमा व्यवस्था गर्न बनेको विधेयक, सामाजिक सुरक्षासम्बन्धी विधेयक र अपराधबाट पीडितको संरक्षण सम्बन्धमा व्यवस्था गर्न बनेको विधेयक संसद्मा पेश गर्ने निर्णय गरेको सरकारका प्रवक्ता एवं सञ्चार तथा सूचना प्रविधिमन्त्री गोकुलप्रसाद बाँस्कोटाले जानकारी दिए ।
त्यसैगरी जातीय भेदभाव तथा छुवाछूत कसुर र सजाय ऐन, २०६८ लाई संशोधन गर्न बनेको विधेयक संसद्मा पेश गर्ने निर्णय बैठकले गरेको बताए ।
बैठकले साविकको राष्ट्रिय दलित आयोगको सचिवालयबाट हुँदै आएको जातीय प्रमाणपत्र वितरण र जातीय सिफारिशको कार्य अब तद्तद् व्यक्तिको सम्बन्धित गाउँ, नगर तथा उपमहानगरपालिका वा महानगरपालिकाको वडा कार्यालयबाट उपलब्ध गराउने निर्णय गरेको सञ्चार तथा सूचना प्रविधिमन्त्री बाँस्कोटाले जानकारी दिए ।
प्रतिक्रिया