सलमान खानले सुनिल ग्रोवरपछि अब कपिल शर्मालाई यो फिल्ममा भूमिका दिने

कपिल शर्मा र सुनिल ग्रोवरको दोस्ती भलै टुटिसकेको छ तर आजकाल दुबैको प्रतिभालाई सलमान खानले उजागर गर्ने काम गरिरहेका छन् । भारतमा सुनिल ग्रोवरलाई सशक्त भूमिका दिएपछि सलमान खानले कपिल शर्मालाई पनि फिल्ममा काम दिने योजना बनाइरहेका छन् ।भारतीय मिडिया आइरहेको रिपोर्ट अनुसार कपिल शर्मा शोलाई निर्माण गरेपछि सलमानले कपिल शर्मालाई फिल्ममा काम दिने योजना बनाइरहेका छन् । फिल्मको नाम हुनेछ शेरखान । वास्तवमा, सलमान आफ्नो कान्छा भाइ सोहेल खानको शेरखानलाई सुरु गर्ने तयारी गरिरहेका छन् ।

फिल्म निकै लामो समयदेखि रोकिएको छ । यो प्रोजेक्ट स्क्रिप्ट फाइनल नभएका कारण ढिला भइरहेको थियो ।हुन त फिल्ममा कपिल शर्मा हुनुको एउटा विशेष कारण पनि छ । जब कमेडी सर्कसमा कपिल प्रतिस्पर्धीको काम गरिरहेका थिए त्यतिबेला सोहेलले कपिललाई आफ्नो नयाँ फिल्म शेरखानमा पक्कै पनि अनुबन्ध गराउने वचन दिएका थिए ।