माओवादी नेताको प्रस्ताव : प्रचण्डलाई प्रधानमन्त्री बनाउनुपर्ने
सारांश
- रौतहट, ९ पुस ।
- वाम गठबन्धनमा एमाले अध्यक्ष केपी ओली आगामी प्रधानमन्त्रीका रुपमा हेरिएका बेला नेकपा माओवादी केन्द्रका एक नेताले भने नयाँ सरकारको नेतृत्व पार्टीका अध्यक्ष पुष्पकमल दाहाल ‘प्रचण्ड’ले गर्नुपर्ने प्रस्ताव अघि सारेका छन् ।
- रौतहटमा पत्रकारहरुसँग कुरा गर्दै विनाविभागीय मन्त्री समेत रहेका माओवादी नेता प्रभु साहले राजनीतिक स्थिरताका लागि प्रचण्डको नेतृत्वमा नयाँ सरकार गठन गर्नुपर्ने बताएका हुन् ।
रौतहट, ९ पुस । वाम गठबन्धनमा एमाले अध्यक्ष केपी ओली आगामी प्रधानमन्त्रीका रुपमा हेरिएका बेला नेकपा माओवादी केन्द्रका एक नेताले भने नयाँ सरकारको नेतृत्व पार्टीका अध्यक्ष पुष्पकमल दाहाल ‘प्रचण्ड’ले गर्नुपर्ने प्रस्ताव अघि सारेका छन् ।
रौतहटमा पत्रकारहरुसँग कुरा गर्दै विनाविभागीय मन्त्री समेत रहेका माओवादी नेता प्रभु साहले राजनीतिक स्थिरताका लागि प्रचण्डको नेतृत्वमा नयाँ सरकार गठन गर्नुपर्ने बताएका हुन् ।
वाम गठबन्धनमा एमाले र माओवादी केन्द्रबीच अढाई/अढाई वर्ष आलोपालो सरकार चलाउने सहमति भएको बताउँदै शान्तिप्रक्रिया र संविधान निर्माणका अनेक विषयलाई सम्बोधन गर्न पहिले प्रचण्डलाई प्रधानमन्त्री बनाउनुपर्ने साहको प्रस्ताव छ ।
‘पहिलो अढाई वर्ष प्रचण्डले सरकारको नेतृत्व गर्दा मधेसी, आदिबासी, जनजाति, मुस्लिम तथा पिछडिएको वर्गको सहानुभूति प्राप्त हुनेछ । र, संविधानमा रहेका असन्तुष्टि सम्बोधन गर्न पनि सबैको साथ लिन सकिन्छ, त्यसकारण निकासका लागि प्रचण्ड पहिलो अढाई वर्ष प्रधानमन्त्री बन्नु उपयुक्त हुन्छ,’ उनले भने ।
प्रतिक्रिया