सामुदायिक लघुवित्तका सिइअाे सहित चार जना पक्राउ

काठमाडौं, १५ असार। बैंकिङ कसुर मुद्दामा प्रहरीले सामुदायिक लघुवित्त वित्तिय संस्थाका सञ्चालक र सिइओलाई पक्राउ गरेको छ।

नेपाल प्रहरीको केन्द्रीय अनुसन्धान ब्यूरो(सिआइबी)ले कम्पनीका अध्यक्ष हिरा बिश्वकर्मा, सञ्चालक चण्डेश्वरी प्रधान र बटुकृष्ण कार्की तथा तत्कालिन सिइओ स्वयम्भुराम जोशीलाई बिहिबार पक्राउ गरेको हो।

काभ्रेको साँगामा कार्यालय रहेको सो संस्थाका तत्कालिन सिइओ जोशीले संस्थाबाट नेपाल महिना उत्थान केन्द्रलाई आधिकारीक निकायको स्वीकृत बिना नै २ करोड ५० लाख रुपैयाँ रकम दिएका थिए।

त्यस्तै, जोशीले राष्ट्र बैंकको नीति निर्देशनविपरीत ७ लाख ४४ हजार रुपैयाँ भुक्तानी लिएका थिए। त्यस्तै स्वयम्भूराम जोशीलाई अवैध रुपमा सञ्चालकमा नियुक्त गरिएको थियो।
राष्ट्र बैंकले प्रारम्भिक अनुसन्धान गरेपछि कारबाहीका लागि सिआइबीलाई पत्राचार गरेको हो।