सुष्माले सम्झिइन् राजेश हमालको व्यक्तित्व, अनी आफ्नो दुःखको क्षण

चारसय बढी म्युजिक भिडियोमा मोडलिङ गरेकी मोडल सुस्मा अधिकारी अहिले रोजेर मात्र काम गर्ने बताउँछिन् । अब छानेर मात्रै भिडियोमा काम गर्ने योजनामा रहेकी सुस्मा राजेश हमालको ब्यक्तित्ववाट निकै प्रभावित छिन् । सुस्मासँग तीन अविस्मरणीय घटना यस्तो छः

तीन भिडियो
१. दुइ वर्ष अगाडि अभिनय गरेको एउटा तीजको भिडियो मलाई अहिले पनि मनपर्छ । युट्युवमा उक्त भिडियो चर्चित पनि भएको थियो । ‘घुम्रे जुलेफीमा मेहन्दी लगाउ हे बुढा’ बोलको भिडियोको निर्देशन शिब बीकले गरेका थिए । मैले सिताराम कट्टेल ‘धुर्मुस’ दाइको श्रीमतीको भुमिका निर्वाह गरेकी थिएँ ।

२. ‘तिमी आँखा म नानी’ बोलको भिडियो पनि मलाई मन परेको अर्को भिडियो हो । दीपेन्द्र केसीले निर्देशन गर्नु भएको भिडियो मलाई निकै मन परेको थियो ।

३. पुष्पा गुरुङको शब्द रहेको रोग हो कि दोष बोलको भिडियो अहिले पनि सम्झन्छु । अनिल स्थापितले निर्देशन गर्नु भएको उक्त भिडियो मलाइ राम्रो लागेको थियो ।

दिक्क लागेको घटना
१. दुई वर्षजति अघि एकजना फ्यानले हातै काटेर म्यासेन्जरमा म्यासेज पठाए । उक्त म्यासेज हेरेपछि निकै डर लाग्यो मैले ब्लक नै गरिदिएँ ।

२.पाल्पामा चलचित्र ‘पिपल’को सुटिङ हुँदा घाम निकै चर्को थियो । घामले गर्दा मेरो छाला डढ्यो । सुटिङपछि धेरै दिनसम्म छालाको स्याहार सुसार गर्नुप¥यो ।

३. ‘जय मधेश’ भन्ने भोजपुरी र नेपाली भाषामा बनेको चलचित्रमा नायिकाको भुमिका निर्वाह गरेकी थिएँ । फाइटको सिनमा गुण्डाहरुबाट म भाग्नुपर्ने थियो । भाग्ने क्रममा लडें घुँडामा चोट लाग्यो । त्यो वेलामा लागेको चोटको दाग अझै मेटिएको छैन ।

पुस्तक
१. बीपी कोइरालाको ‘तीन घुम्ती’ निकै मन परेको पुस्तक हो । उहाँले तत्कालीन समाजलाई जीबन्त दिनु भएकोछ ।
२. ‘समर लभ’ पनि मलाई मन परेको पुस्तक हो । सुविन भट्टराइले अहिलेको पुस्ताको आनीबानी र चरित्रलाई उपन्यासमा प्रष्ट पार्नु भएको छ ।
३. बुद्धिसागरको ‘फिरफिरे’ अर्को मन परेको पुस्तक हो । पुस्तक पढ्दै जाँदा बाल्यकालका थुपै्र घटनाको सम्झना आउँछ ।

तीन ठाउँ
१. म पुगेको मध्ये अष्ट्रेलियाको मेलबर्न निकै मन प¥यो । अष्ट्रेलियाकै अन्य कतिपय सिटीमा क्राउड थियो । तर, मेलबर्न फरक थियो । त्यहाँको भौतिक पूर्वाधार मात्रै हैन वातावरण पनि निकै राम्रो छ ।
२. बन्दीपुरको सौन्दर्य म कहिल्यै बिर्सन्नँ । दुइपटक सुटिङका लागि र एक पटक स–परिवार घुम्न गएको छु । जता हेरे पनि रमाइलो मात्रै देखिन्छ बन्दिपुर ।
३. पोखरा पनि उस्तै रमाइलो शहर हो । सुटिङका लागि पटक–पटक गएको छु पोखरा । तर, घुम्न भनेर गएको छैन । अब छिट्टै घुम्नका लागि जाने योजनामा छु ।

अविष्मरणीय क्षणः
१. पहिलो म्युजिक भिडियो रिलिज हुने दिन म निकै खुसी भएकी थिएँ । अहिले जस्तो युट्युबको चलन थिएन । निर्देशकले आज आउदैछ भन्नु भएको थियो । भिडियो आउँछ भनेपछि टीभी हेरेरै बसेँ । केही साथीहरुलाइ फोन गरेर भनेँ पनि मेरो भिडियो आउँदैछ हेर है भनेर ।
२. करिअर सुरु नहुँदै धनगढीमा एउटा डान्स कम्पिटिशन भएको थियो । म बुटवलमा थिएँ । एकजना साथीले मैले अवार्ड पाएको सुनाए म निकै खुसी भएकी थिएँ ।
२. दुई वर्ष अघि एकजना फ्यानले मेरो स्केच बनाएर फेशबुकमा पठाउनु भएको थियो । आफ्नो स्केच हेरेर निकै खुसी भएकी थिएँ । किनकी त्यो मेरो पहिलो स्केच थियो ।

तीन कलाकार
१. मलाई राजेश हमालको पर्सानालिटी एकदम मनपर्छ । उहाँको धेरै चलचित्र हेरेकी छु ।
२. आर्यन सिग्देल पनि मलाई मन पर्ने कलाकार हुन् । उहाँको धेरै चलचित्र हेरेको छु । तर, काम गर्ने अवसर जुरेको छैन ।
३. ‘ग्याङस्टार ब्लुज’ हेरेपछि आशिरमान देशराजको अभिनय खुब मनप¥यो ।

अनलाइनखबर