स्पाइडर म्यान र आइरन म्यानका परिकल्पनाकार लीको निधन
सारांश
- अमेरिकी लेखक तथा मार्भल कमिक्सका पूर्वप्रमुख स्टेन लीको ९५ वर्षको उमेरमा निधन भएको छ ।
- सन् १९६१ मा लीले मार्भल कमिक्सका लागि ’द फ्यान्टास्टिक फोर’को रचना गरे अनि ’स्पाइडरम्यान’ र ’द इन्क्रेडिबल हल्क’ शीर्षक अन्तर्गत कमिक लेखेका थिए ।
- लस एन्जलसस्थित सिडर साइनाइ मेडिकल सेन्टरमा कमिक पुस्तकका बहुचर्चित लेखकको निधन भएको परिवारले जनाएको छ ।
अमेरिकी लेखक तथा मार्भल कमिक्सका पूर्वप्रमुख स्टेन लीको ९५ वर्षको उमेरमा निधन भएको छ । सन् १९६१ मा लीले मार्भल कमिक्सका लागि ’द फ्यान्टास्टिक फोर’को रचना गरे अनि ’स्पाइडरम्यान’ र ’द इन्क्रेडिबल हल्क’ शीर्षक अन्तर्गत कमिक लेखेका थिए ।
लस एन्जलसस्थित सिडर साइनाइ मेडिकल सेन्टरमा कमिक पुस्तकका बहुचर्चित लेखकको निधन भएको परिवारले जनाएको छ । लीको पाव इन्टरटेन्मेन्ट कम्पनीका प्रमुख कार्यकारी अधिकृतले ’पप संस्कृतिका पिता’ लीले ’काल्पनिकक पात्रहरूको छुट्टै ब्रह्माण्ड सिर्जना गरेकोमा उनको प्रशंसा गरेका छन् । ९५ वर्षीय ली पछिल्ला वर्षहरूमा निमोनियाँ लगायतका रोगबाट ली ग्रसित हुँदै आएको अमेरिकी सञ्चारमाध्यमहरूले जनाएका छन् ।
ली रोमानियाबाट अमेरिका बसाइँसराइ गरेको एउटा कामकाजी परिवारमा सन् १९२२ मा जन्मिएका थिए । सुरुवाती वर्षमा टाइम्ली पब्लिकेसन्सको कमिक शाखामा उनले काम थाले र १८ वर्षको उमेरमा उनी कमिक्सका सम्पादक भए ।
प्रतिक्रिया