स्वाइनफ्लु भेटियो, सर्तक रहनुस्
सारांश
- काठमाडौं ।
- विभिन्न ठाउँमा स्वाइनफ्लुको संक्रमण देखिएकाले सतर्कता अपनाउन डाक्टरले आग्रह गरेका छन् ।
- स्वाइन फ्लु (एचवान एन वान) का बिरामी भेटिएपछि सर्तकता अपनाउन आग्रह गरेका हुन् ।
काठमाडौं । विभिन्न ठाउँमा स्वाइनफ्लुको संक्रमण देखिएकाले सतर्कता अपनाउन डाक्टरले आग्रह गरेका छन् । स्वाइन फ्लु (एचवान एन वान) का बिरामी भेटिएपछि सर्तकता अपनाउन आग्रह गरेका हुन् । वीर अस्पताल र शुक्रराज सरुवा रोग अस्पताल टुकुमा ३ जना बिरामीमा स्वाइन फ्लुको संक्रमण पुष्टि भएको बताइएको छ ।
चिकित्सकले पनि उच्च जोखिम रहेको भन्दै सतर्क रहन सुझाव दिएका छन् । काठमाडौं, रामेछाप, बाराबाट अस्पतालमा पुगेका बिरामीमा स्वाइनफ्लुको संक्रमण देखिएको शुक्रराज ट्रपिकल तथा सरुवारोग अस्पताल टेकुका सरुवा रोग विषेशज्ञ डाक्टर शेरबहादुर पुनले बताएका छन् ।
सुरुमा रुघाखोकी लाग्ने, ज्वरो आउने, सास फेर्न गाह्रो हुने, घाँटी दुख्ने लक्षण स्वाइनफ्लुको हुनसक्ने भएकाले स्वास्थ्य संस्थामा गइहाल्न डाक्टर पुनले आग्रह गरेका छन् ।
विषेशगरी मंसिर महिनादेखि माघसम्म, वर्षायामका बेला स्वाइन फ्लु देखिने गरेको छ । छिट्टो सर्ने भएकाले सतर्कता अपनाउन डाक्टरले सुझाव दिएका छन् ।
प्रतिक्रिया