हेमन्त कुमार चौरासिया क्यानको अध्यक्षमा निर्वाचित
सारांश
- काठमाडौं, पुस १० ।
- कम्प्युटर एसोसिएन नेपाल महासंघको २४ औं वार्षिक साधारणसभा तथा महाधिवेशनले हेमन्त कुमार चौरासियाको नयाँ नेतृत्व पाएको छ ।
- अघिल्लो कार्यसमितिमा प्रथम उपाध्यक्षमा रहेर काम गरेका चौरासिया महाधिवेशनबाट सर्वसम्मतले केन्द्रीय अध्यक्ष पदमा निर्वाचित भएका हुन् ।
काठमाडौं, पुस १० । कम्प्युटर एसोसिएन नेपाल महासंघको २४ औं वार्षिक साधारणसभा तथा महाधिवेशनले हेमन्त कुमार चौरासियाको नयाँ नेतृत्व पाएको छ ।
अघिल्लो कार्यसमितिमा प्रथम उपाध्यक्षमा रहेर काम गरेका चौरासिया महाधिवेशनबाट सर्वसम्मतले केन्द्रीय अध्यक्ष पदमा निर्वाचित भएका हुन् ।
निर्विरोध चयन भएका क्यान महासंघको उपाध्यक्षमा विश्वराम बलामी, सुनैना घिमिरे पाण्डे, रोमकान्त पाण्डे र नवराज कुँवर निर्वाचित भएका छन् ।
त्यसैगरी महासचिवमा रञ्जित कुमार पोदार चयन भएका छन् । नयाँ कार्यसमितिको पदाधिकारी अन्तर्गत सचिव पदमा जगनबहादुर गुरुङ, डा. पवनकुमार शर्मा र नारायणबहादुर थापा निर्वाचित भएका छन् ।
त्यसैगरी कोषाध्यक्षमा खुशल रेग्मी र सहकोषाध्यक्षमा शेखरनाथ दुलाल चयन भएका छन् । नवनिर्वाचत अध्यक्ष चौरासियाले महासंघलाई एकताबद्ध बनाई पारदर्शी संगठन निर्माण गर्नेे प्रतिवद्धता जनाए । यसका साथै उनले ग्रामीणस्तरमा सूचना सञ्चार प्रविधिको विकास, विस्तार र प्रवद्र्धनका कार्यक्रम ल्याउने समेत बताए ।
कम्प्युटर एशोसिएन नेपाल महासंघ (क्यान महासंघ) नेपालको आइटी क्षेत्रको पुरानो र ठूलो साझा संस्था हो । सन् १९९२ मा स्थापना भएको क्यान सन् २०१५ मा महासंघमा परिणत भएको थियो ।
प्रतिक्रिया